تورکیه-ایران علاقه‌لری و رئیسی‌نین تورکیه سفری
تورکیه سیاست، اقتصادیات و جمعیت آراشدیرما‌لاری فوندو – ستا-نین مودیری پروفسور مورات یئشیلتاشین یازی‌سینی تقدیم ائدیریک.
تورکیه سیاست، اقتصادیات و جمعیت آراشدیرما‌لاری فوندو – ستا-نین مودیری پروفسور مورات یئشیلتاشین یازی‌سینی تقدیم ائدیریک.
ایران پرزیدنتی ابراهیم رئیسی 2024-جو ایل ژانویه‌نین 24-ده ناظیرلر و یوکسک سویه‌لی بوروکرات‌لاردان عبارت گئنیش ترکیب‌لی هئیتله تورکیه-یه سفر ائتدی. آنکارا-تهران موناسیبت‌لری‌نین سنتی رقابت و امکداش‌لیق آراسیندا اولدوغو و بولگه‌سل مسئله‌لرین داها دا تاخیره سالینا بیلمه‌یه‌جگی بیر واختدا باش توتان بو سفر ایکی اؤلکه‌نین پروبلئم و ایمکان‌لارین اورتاق ساحه‌لرینده دیالوقا آچیق اولدوغونو گؤستریر. ابراهیم رئیسی‌نین سفری اصلینده 2023-جو ایلین ایلک آیلاریندا اعلان ائدیلدی و سونرا‌دان ان آزی اوچ دفعه تاخیره سالیندی. سونونجو تاخیره سالینما کرمان-داکی ترور آکتی ایله باغلی اولدو. لاکین بو هوجومدان چوخ کئچمه‌دن رئیسی‌نین آنکارایا گلمه‌سی ایران طرفی‌نین سفره وئردیگی اهمیتی گؤستریر.
طبیعی کی، هر ایکی طرفین بیر چوخ مسئله‌لرده فیکیر آیری‌لیغی اولسا دا، بیر چوخ مسئله‌لرده ده عمومی ماراق‌لاری‌نین اولدوغو بیزه معلوم‌دور. بو جور سفرلر عمومی موناسیبت و یاناشما‌لاری مومکون قدر آرتیرماق و فرق‌لری ایداره اولونا بیلن سویه‌یه ائندیرمک مقصدی داشیییر. سفر اؤنجه‌سی ایران مطبوعاتیندا تورکیه-یه یؤنه‌لیک تنقیدلری تارازلاش‌دیرماق اوچون دؤولت مئدیاسیندا مثبت تحلیل‌لرین یئر آلماسی و ایرانین خاریجی ایشلر ناظیری حسین امیر عبداللهیانین تورکیه-دن بیر قزئتده چوخ یاپیجی و مثبت مقاله‌لر قلمه آلماسی، یئنه ایران طرفی‌نین سفرین گؤزلنیلن فونکسیاسینا دایر آتدیغی آددیم‌لاری عکس ائتدیریر.
تورکیه-ایران یوکسک سویه‌لی امکداش‌لیق شوراسی‌نین سککیزینجی ایجلاسی‌نین کئچیریلدیگی بو سفرده اقتصادیات باخیمیندان مهم مؤوضوع لارین موذاکیره ائدیلدیگینی سؤیلمک اولار. گؤرونن اودور کی، خصوصیله تیجارتین حجمینی آرتیرماق اوچون انرژی، سرحد بؤلگه‌لرینده تیجارت، گؤمروک قانون وئریجی‌لیگی و قارشی‌لیق‌لی یاتیریم کیمی مسئله‌لر موذاکیره اولوندو. تورکیه طرف‌دن خزینه و مالیه ناظیری محمت شیمشک، انرژی و طبیعی ثروت‌لر ناظیری آلپ ارسلان بایراکتار و مرکزی بانکین صدری حافیظه قایه ارکانین ایشتیراکی دانیشیق‌لارین اقتصادیات باخیمیندان اهمیتینی گؤستریر.
بوندان علاوه، بولگه‌سل مسئله‌لرین، گونئی قافقاز، فیلیسطین، سوریه، عراق، یمن و دوغو آغ دنیزینی احاته ائدن شکیلده موذاکیره اولوندوغو معلوم اولور. یئنه تورکیه طرف‌دن خاریجی ایشلر ناظیری هاکان فیدان، ایچ ایشلر ناظیری علی یئرلیکایا، میللی ساوونما ناظیری یاشار گولر و میت-ین رهبری ابراهیم کالین‌ین ایشتیراکی بولگه‌سل سیاست و تهلوکه‌سیزلیکله باغلی مسئله‌لرین موذاکیره ائدیلدیگینی گؤستریر. بو مسئله‌لر آراسیندا هر ایکی اؤلکه‌نی ناراحات ائدن ان مهم مؤوضوع‌نون اورتاق تهلوکه اولان ترور مسئله‌سی اولدوغو گؤرونور. پرزیدنت رجب طیب اردوغان "پ.کا.کا/پ.ی.د/ی.پ.گ و پژاک-آ قارشی ایرانلا امکداشلیغیمیزی گوجلندیرمیین واجیب‌لیگینه توخوندوق"دئیه آچیقلاما وئردی. ایران پرزیدنتی رئیسی ایسه بیان ائدیب کی، ترور بولگه‌دن کناردا قوه‌لر طرفیندن قیدا‌لانیر و ایستیفاده اولونور. بو مقامدا بؤلگه‌دن کنار گوجلرین تأثیرلرینی محدودلاش‌دیرماق اوچون بولگه‌سل اؤلکه‌لرین بیرگه حرکت ائتمه‌سی‌نین واجیب‌لیگی اورتایا چیخیر.
سفرین کونکرئت نتیجه‌سی اولا‌راق ایکی اؤلکه آراسیندا موختلیف ساحه‌لرده 10 سازیش ایمضالاندی. تیجارت، نقلیات، ایله تیشیم، مدنیت، صنایع، تکنولوژی، تهلوکه‌سیزلیک و انرژی کیمی بیر چوخ ساحه‌لری احاته ائدن بو سازیش‌لر طرف‌لرین مووافیق یوکسک سویه‌لی ایداره‌لری‌نین رسمی‌لری طرفیندن ایمضالاندی. 30 میلیارد دو‌لارلیق تیجارت حجمی هدفی یئنی‌دن وورغولاندی. قونشو اؤلکه‌نین پرزیدنتی رئیسی "تورکیه ایلئ اوزون ایللردیر یاخشی موناسیبت‌لریمیز وار و بوندان سونرا بو علاقه‌لری داها یوکسک سویه‌لره چات‌دیرماق ایستییریک" دئیه‌رک، امکداشلیغا آچیق اولدوق‌لارینی بیلدیردی. پرزیدنت اردوغان دا عینی شکیلده، "قونشوموز ایرانلا قارشی‌لیق‌لی اعتیماد و اورتاق ماراق‌لار اساسیندا علاقه‌لریمیزی درینلشدیرمه‌یه اهمیت وئریریک" دئیه‌رک مهریبان قونشولوق موناسیبت‌لرینی وورغولادی. گؤرونور، سفر سون درجه مثبت اتمسرده کئچدی. بؤلگه‌نین چوخ چتین وضعیتده اولدوغو بو دؤورده ثابت‌لیک، باریش و تهلوکه‌سیزلیگین وورغولانماسی تاریخی مسئولیت اساسیندا اساساً وورغولانما‌لی ایدی.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
