شارل میشلین قازاقیستان و اؤزبکیستان سفری
تۆرک دؤولتلر تشکیلاتینین بوداپست اوفیسی، عمومیتله ماجاریستان اورتا آسیا اؤلکه‌لری اوچون آوروپایا آچیلان قاپی مؤقیتینده‌دیر
۲۷ اکتبر ۲۰۲۲ تاریخین‌ده قازاقیستانین باشکندی آستانا شهرین‌ده ۱.جی اورتا آسیا - آوروپا بیرلیگی لیدئرلر ذیروه‌سی ائدیلدی. ذیروه‌یه اورتا آسیانین بئش اؤلکه‌سینین لیدئرلری و قازاقیستانا رسمی سفر گئرچکلشدیرن آوروپا بیرلیگی شوراسی باشقانی قاتیلدی. گؤروشمه‌ده آوروپا و اورتا آسیا بؤلگه‌لری آراسی امکداش‌لیغی یئنی بیر سویه‌یه یوکسلتمه ایمکانلاری اله آلیندی. نقلیات، یاشیل اقتصاد، تیجارت، سرمایه، روسیایا تطبیق اولونان تحریملرین تأثیرلری، بؤلگه‌سل گوونلیک قونوعلاری موذاکیره ائدیلدی. ذیروه سونون‌دا اورتاق بیلدیری قبول ائدیلدی.
ییغینجاق چرچیوه‌سین‌ده ایکیلی گؤروشمه‌لر ده ائدیلدی. قیرقیزیستان جمهورباشقانی سادیر جاپاروو و آوروپا بیرلیگی شوراسی باشقانی شارل میشل گؤروشمه‌سین‌دن سونرا، باشقان میشل قیرقیزیستانین آوروپا بیرلیگی ایله گئنیشلدیلمیش اورتاق‌لیق و امکداش‌لیق آنلاشماسی ایمضالایاجاغینی بیلدیردی. جمهورباشقانلاری قاسیم جومارت توکایئو، سادیر جاپاروو ایله شارل میشل قیرقیزیستانین قازاقیستان‌داکی مدنیت گونلری پروگرامینا قاتیلدیلار.
آوروپا بیرلیگی شوراسی باشقانی شارل میشل ۲۷ اکتبر ۲۰۲۲ تاریخین‌ده اؤزبکیستانا سفر گئرچکلشدیردی. ۲۸ اکتبر تاریخین‌ده اؤزبکیستان جمهورباشقانی شؤوکت میرضیایئو آوروپا بیرلیگی شوراسی باشقانی ایله گؤروشدو. گؤروشمه‌ده ایکیلی ایلیشکی‌لر و بؤلگه‌سل امکداش‌لیق قونولاری ماسایا یاتیردیلدی. گؤروشمه سونون‌دا اورتاق بیلدیری یاییملاندی. اؤزبکیستانین آوروپا بیرلیگی ایله گئنیشلدیلمیش اورتاق‌لیق و امکداش‌لیق آنلاشماسی قوه‌یه قویولدو.
آوروپا بیرلیگی شوراسی باشقانی شارل میشل سفر چرچیوه‌سین‌ده آوروپا بیرلیگینین اؤزبکیستان اوفیسینین آچیلیش مراسیمین‌ده ایشتیراک ائتدی. آوروپا بیرلیگی شوراسی باشقانینین اؤزبکیستان سفری سمرقند گزینتی‌سی ایله سونا چاتدی. ایفاده ائتمک لازیم‌دیر کی، ۱۷-۱۸ نوامبر ۲۰۲۲ تاریخلرین‌ده سمرقندده اورتا آسیا - آوروپا بیرلیگی باخانلار ییغینجاغی، اورتا آسیا - آوروپا بیرلیگی داوام ائتدیریله‌بیلر قالخینما اوچون قلوبال قاپی اولوسلارآراسی کنفرانسی و اورتا آسیا - آوروپا بیرلیگی گنجلر فورومو ائدیله‌جک.
*
داها اوللر خاریجی ایشلر باخانلاری سویه‌سین‌ده گئرچکلشدیریلن اورتا آسیا - آوروپا بیرلیگی ییغینجاقلارینین لیدئرلر ذیروه‌سی سویه‌سینه چیخاردیلمیش اولماسی اؤنم‌لی‌دیر. اورتا آسیا اؤلکه‌لرین‌دن قازاقیستان آوروپا بیرلیگی اؤلکه‌لری ایله یاخشی اقتصادی ایلیشکی‌لر تاسیس ائتمیش دورومدادیر. لیدئرلر ذیروه‌سی سایه‌سین‌ده باشقا بؤلگه اؤلکه‌لرینه ده آوروپا بیرلیگی ایله داها یاخشی ایلیشکی‌لر قورما ایمکانی دوغولدو. سون ایللرده اؤزبکیستان آوروپا بیرلیگی ایله ایلیشکی‌لری اوست سویه‌یه چیخارما قونوسوندا جدی آددیملار آتمیش‌دیر. تۆرک دؤولتلر تشکیلاتینین بوداپست اوفیسی، عمومیتله ماجاریستان اورتا آسیا اؤلکه‌لری اوچون آوروپایا آچیلان قاپی مؤقیتینده‌دیر.
اولاشدیرما و خاریجی تیجارت ساحه‌سین‌ده هم آوروپا بیرلیگی هم ده اورتا آسیانین بیر بیرلرینه اولان احتیاجی سؤز قونوسودور. روسیا-باتی ساواشیندان سونرا بو وضعیت داها دا واضح گؤرولدو. آستاناداکی ذیروه‌ده دوغو-باتی نقلیاتین‌دا خزر دنیزینی داها آکتیو ایستیفاده ائتمه قونوسو گوند‌مه گلدی. بؤلگه‌لر آراسی اورتاق تیجارت حجمینین آرتماسی گؤزله‌نیله‌بیلر.
اؤزتله، آوروپا بیرلیگی شوراسی باشقانی شارل میشلین قازاقیستان و اؤزبکیستانا سفری وئریملی گئچدی.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
