آنتالیا دیپلوماسی فورومو و آوراسیا
آذربایجانین جمهورباشقانی یاردیمچیسی حکمت حاجی‌یئو، باکینی ناخچیوانا ایران اوزریندن باغلایاجاق یئنی بیر دهلیزین قورولماسی ایله باغلی تهران یؤنتیمی ایله آنلاشدیقلارینی آچیقلادی
۱۱-۱۳ مارس ۲۰۲۲ تاریخلرینده تۆرکیه جمهوریتی جمهورباشقانی رجب طیب اردوغانین حمایه‌سی و خاریجی ایشلر باخانی مؤولود چاووش‌اوغلونون ائو صاحبلیگی ایله ۲.جی آنتالیا دیپلوماسی فورومو تشکیل ائدیلدی. "دیپلوماسینین یئنیدن قورولماسی" آدی آلتیندا گئچیریله‌ن فوروما ۷۵ اؤلکه‌دن ۱۷ دؤولت و حکومت باشقانی، ۸۰ باخان، ۳۹ اولوسلارآراسی قورولوش نماینده‌سی، ۲۵۰۰ نفر قاتیلدی. فورومو ۵۸۵ یئرلی و اولوسلارآراسی مئدیا نماینده‌سی ایزله‌دی.
فورومدا آوراسیا جغرافیاسیندان افغانیستان، قازاقیستان و اوکراینانین اسکی جمهورباشقانلاری، قاقاووز اؤزارک یئری جمهورباشقانی، آذربایجانین جمهورباشقانی یاردیمچیسی، افغانیستان، آذربایجان، ارمنیستان، قیرقیزیستان، اؤزبکیستان، روسیا، تاجیکیستان و اوکراینا خاریجی ایشلر باخانلاری، تۆرک دؤولتلری تشکیلاتی، تۆرک‌سوی، اولوسلارآراسی تۆرک آکادمیسی، تۆرک کۆلتور و میراثی وقفی، آسیادا امکداشلیق و گۆون آرتیریجی تدبیرلری کنفرانسی و اقتصادی امکداشلیق تشکیلاتی کیمی اولوسلارآراسی تشکیلاتلارین باش کاتیبلری، ائلچیلر، میللت وکیللری و آکادمیسینلر ایشتیراک ائتدیلر. اوکراینا باشباخانی دنیس شمیهال فوروما ویدئوکنفرانس یولو ایله قاتیلدی.
۲.جی آنتالیا دیپلوماسی فورومون‌دا اوکراینا ساواشی، گونئی قافقازین گله‌جگی و افغنیستانداکی وضعیت کیمی آوراسیا بؤلگه‌سی ایله باغلی مسئله‌لر مذاکیره ائدیلدی. روسیا و اوکراینا خاریجی ایشلر باخانلاری ۲۴ فوریه‌ده اوکراینادا ساواش باشلایاندان بری ایلک دفعه آنتالیادا اوز اوزه گؤروشدو. فوروم چرچیوه‌سینده ۱۰ مارس ۲۰۲۲.جی ایل تاریخینده تۆرکیه-اوکراینا-روسیا اوچلو خاریجی ایشلر باخانلارینین گؤروشمه‌سی گرچکلشدی. بئله‌لیکله، تۆرکیه ساواشان طرفلرین خاریجی ایشلر باخانلارینی بیر ماسایا اوتورداراق اؤنملی بیر دیپلوماتیک اوغور الده ائتدی. باخانلار آراسیندا دانیشیقلارین بو فورماتدا داوام ائدجگی گؤزله‌نیلیر.
تۆرکیه‌نین آنتالیا دیپلوماسی فورومو وسیله‌سی ایله روسیا و اوکراینا خاریجی ایشلر باخانلارینی بیر آرایا گتیرمه‌سی، آنکارانین هر ایکی اؤلکه ایله ارتباطینی داوام ائتدیرمه‌سی و بو کیمی آددیملار آوراسیادا باریشی تامین ائتمک اوچون روسیا و اوکراینا لیدئرلرینی دانیشیقلار ماساسینا اوتورتماق اوچون بؤیوک چابالار صرف ائتدیگینی اورتایا قویور. روسیا-اوکراینا ساواشیندا آتیش‌کس اوچون دانیشیقلارین ائدیلمه‌سی قونوسوندا تۆرکیه دوغرو بیر آدرس اولابیلر.
*
ارمنیستان‌دان تۆرکیه‌یه یوکسک سویه‌لی گؤروشمه ۲۰۰۸د‌ن بری ایلک دفعه فوروم وسیله‌سی ایله ائدیلدی. ارمنیستان خاریجی ایشلر باخانی آرارات میرزویان ۱۲ مارسدا آنتالیادا خاریجی ایشلر باخانی مؤولود چاووش‌اوغلو ایله گؤروشدو. باخانلار ایکی اؤلکه آراسیندا تام نورماللاشما و یاخشی قونشولوق ایلیشکیلرینین قورولماسی پروسه‌سینی دستکله‌دیکلرینی بیلدیردیلر.
فورومدا گونئی قافقازدا باریشی و اقتصادی قالخینمانی تامین ائد‌جک اؤنملی گلیشمه‌لرله باغلی آچیقلامالار وئریلدی. آذربایجانین جمهورباشقانی یاردیمچیسی حکمت حاجی‌یئو، باکینی ناخچیوانا ایران اوزریندن باغلایاجاق یئنی بیر دهلیزین قورولماسی ایله باغلی تهران یؤنتیمی ایله آنلاشدیقلارینی آچیقلادی.
اؤزت اولاراق، هر ایل گئچیریله‌ن آنتالیا دیپلوماسی فورومونون آوراسیا بؤلگه‌سینده‌کی سورونلارین دیپلوماتیک یوللا حلینده اؤنملی بیر پلتفورم رولو اوینایابیله‌جگینی، سون فورومداکی گلیشمه‌لر اثبات ائتمیش اولدو.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
