تورک مطبخی(10)
تورک شیرنیلریندن "باقلاوا"
تورک مطبخی - 10
سلام! تورک مطبخینده شیرینینین یئری تامامیله باشقادیر. کئچمیشدن گونوموزه؛ عثمانلی سارایلاریندا و یا خالق آراسیندا شیرنیلرین هر زامان خصوصی یئری اولموشدور. وئریلن ضیافتلرده، شنلیکلرده، موبارک گون و گئجهلرده، بایراملاردا شیرین یئمکلرین باش رولوندادیر. دونیادا تورک شیرنیلری اولاراق ان چوخ "باقلاوا" بیلینسه ده تورک مطبخینده سودلو و میوهلی شیرنیلر ده چوخ اهمیتلیدیر. خصوصیله سودلو شیرنیلر هم هضمی داها آسان، هم کالوریسی آشاغی، هم ده خرجی داها اویغون اولدوغو اوچون متبخلرده تئز-تئز بیشیریلن شیرینلردی. اوستهلیک حاضیرلاماسی دا، باقلاوا کیمی خمیرلی، شیرهلی شیرنیلره گؤره، چوخ داها آساندیر سودلو شیرنیلرین. بیز ده بو گون تورک مطبخینه خاص بیر سودلو شیرین تصویری پایلاشماق ایستییریک کی، سیزلرله. شیرینیمیزین آدی "کشکول" بیر نوع باداملی پودینگ اولان کشکول عثمانلیدان بری حاضیرلانان و سئویلهرک توکهتیلن شیرینی.
----------
کشکول اوچون اوّل ماتریاللاریمیزی سایاق؛
-1 لیتر سود
-1 سو ایستکانی توز شکر
-1 سو ایستکانی توز بادام
- 2 خؤرک قاشیغی نیشاستا
- 2 یئمک قاشیغی قورو هیندیستان گیردکانی رندهسی
-1 یومورتا ساریسی
–1 پاکت وانیل
فیله بادام و یا دؤیولموش پوسته
-----
زامان گلدی، کشکولوموزو بیشیرمهیه. اوّل بیر قازانا سود، شکر، یومورتا ساریسی، هیندیستان گیردکانی و توز بادامی قویوب یاخشیجا قاریشدیرین و اوجاغا آلین. قاریشدیراراق قاینایانا قدر بیشیرین. بو آرادا نیشاستا 3 قاشیق سو ایله قاریشدیراراق اینجلدین. نیشاستا قایناییر اولان سودلو قاریشیغا داواملی قاریشدیراراق علاوه ائدین. قیوامی قهوه رنگی اولانا قدر داواملی قاریشدیراراق بیشیرین.
بیشن کشکولو کاسالارا قویوب سویوماغا بیراخین. یاخشیجا سویودوقدان سونرا اوستونه فیله بادام و یا دؤیولموش پوسته سپهرک سرویس ائدین. عافیت اولسون!
-------
تورک مطبخی پروقرامیندا بو گون سیزلره هم لذتلی، هم ده یونگول بیر شیرینی اولان "کشکول" تعریفی وئردیک. باشقا بیر وئریلیشده بیر باشقا تورک لذتی گؤروشمک اوچون ساغ اولون.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر