تورکیه، سوئد و فینلاندیا خاریجی ایشلر ناظیرلری بو گون بروکسل-ده گؤروشهجک
سوئد-ین ناتو-یا عضولوگو لیتوانیا-دا ویلنیوس ایجلاسیندا اولویت گوندم مادهلریندن بیریدیر.
سوئد-ین ناتو-یا عضولوگو لیتوانیا-دا ویلنیوس ایجلاسیندا اولویت گوندم مادهلریندن بیریدیر.
ایجلاسدان اول بروکسل-ده تورکیه، سوئد و فینلاندیانین خاریجی ایشلر ناظیرلری و کشفیات رهبرلرینین ایشتیراکی ایله یوکسک سویهلی گؤروش کئچیریلهجک.
توپلانتیدا تورکیه-نی خاریجی ایشلر ناظیری هاکان فیدان، میلی استخبارات تشکیلاتینین رهبری ابراهیم کالین و جمهور باشقانی باش دانیشمانی آکیف چاغاتای کیلیچ تمثیل ائدهجک.
آنجاق گؤروشدن اول سوئد هله ده تورکیه-نین گؤزلدیگی آددیملاری آتا بیلمهییب.
استکهلم-ون ترورلا موباریزه قانونونا ائتدیگی دییشیکلیک ژوئنین 1-دن قوهیه مینسه ده، سوئد آنکارانین ایستدیگی ترور تشکیلاتی پ.کا.کا و فتو عضولرینی هله ده اعاده ائتمهییب.
آنکارا آچیق شکیلده بیلدیردی کی، بو آددیملار آتیلماسا، سوئد-ین عضولوگونه قیرمیزی ایشیق یاندیراجاق.
سوئد-ین ناتو عضولوگونه اعتراض ائدن ماجاریستان بو پروسهده تورکیه ایله بیرگه آددیم آتاجاغی وعدینی وئریر.
ماجاریستانین خاریجی ایشلر ناظیری پیتر سیارتو تورکیه-نین سوئد-ین ناتو-یا عضولوک پروسهسینه موناسیبتینین دییشهجگی تقدیرده ماجاریستانین پروسهسی لنگیتمهیهجگینی آچیقلاییب. او، همچنین سوئد-ین ناتو-یا عضولوگونون تصدیقی ایله باغلی تورک همکاری ایله علاقه ساخلادیغینی بیلدیریب.
آوروپا بیرلیگی کمیسیونو تورکیه-نین ناتو-داکی وارلیغینین "آچار رولو وار" دئیه آچیقلاما وئریب.
گئنیشلنمهدن مسئول کمیسار الیور ورهلی تورکیه-نین بیر چوخ بحرانلاردا آرابولوجو رول اوینادیغینی خاطیرلادیب. او، تورکیه-نی مهم بولگهسل طرفداش کیمی تصویر ائدیب.
قئید ائدک کی، اوکراینا-روسیا محاربهسیندن سونرا سوئد و فینلاندیا ناتو-یا عضو اولماق اوچون مراجعت ائتدی و فینلاندیانین پروسهسی آوریل آییندا تاماملاندی.
سوئد هله تورکیه و ماجاریستاندان راضیلیق آلا بیلمهییب.
ایلگیلیلی خبرلر
پاریسده یانغیندا 3 نفر اؤلوب
پاریسین 2-جی رایونوندا ایتالیانلار بولواری یاخینلیغینداکی بیر بینادا گئجه یاریسی یانغین باش وئریب