استولتنبرگ: "هئچ بیر ناتو متفیقی تورکیه قدر ترور هوجوملاریندان ضررر گؤرمهییب"
بونو ناتو-نون باش کاتیبی ینس استولتنبرگ فینلاندیایا سفری زامانی پرزیدنت سائولی نینیسته ایله کئچیردیگی بیرگه مطبوعات کنفرانسیندا دئییب.
"تورکیه بیر چوخ جهتدن اساس رول اویناییر و بونا گؤره ده اونون حاقلی ناراحاتلیقلارینی آرادان قالدیرماق اوچون سعیلر گؤستریلیر".
بونو ناتو-نون باش کاتیبی ینس استولتنبرگ فینلاندیایا سفری زامانی پرزیدنت سائولی نینیسته ایله کئچیردیگی بیرگه مطبوعات کنفرانسیندا دئییب.
"تورکیهنین (بؤلوجو) ترور تشکیلاتی پ.کا.کا ایله باغلی ناراحاتلیقلاری دا داخیل اولماقلا بوتون متفیقلرین تهلوکهسیزلیکله علاقهلی ناراحاتلیقلارینی حل ائتمه لییک" دئیه بیلدیرن استولتنبرگ تیمینین سوئد، فینلاندیا و تورکیه رسمیلری ایله دایمی تماسدا اولدوغونو دیله گتیریب.
ژوئنین 29-30-دا ایسپانیانین پایتاختی مادرید-ده کئچیریلهجک ناتو ایجلاسیندا سؤزوگئدن اؤلکهلرین ایشتیراکی ایله باغلی راضیلیغین الده ائدیلیب-ائدیلمهیهجگی سوالینا دا استولتنبرگ تورکیه-نین ناراحاتلیغینا ان قیسا زاماندا جاواب وئریلهرک پروبلئمین حلی اوچون سعی گؤستریلدیگینی، آنجاق ایجلاسین بو مؤوضوع دا مدتین باشا چاتاجاغی معناسی داشیمایاجاغینی ایفاده ائدیب.
"بونلار قانونی ناراحاتلیقلاردیر. بونلار ترور و سلاح صادراتی ایله باغلی ناراحاتلیقلاردیر. هئچ بیر ناتو متفیقینین تورکیه قدر ترور هوجوملاریندان ضزر گؤرمهدیگینی آنلامالی و بونو اونوتمامالیییق"، - دئیه ینس استولتنبرگ بیلدیریب.
تورکیه-نین داعش ترور تشکیلاتی ایله موباریزهده مهم رول اوینادیغینی وورغولایان باش کاتیب "تورکیه اوکراینانین دستکلنمهسینده و قاپالی قالان بوغدانین صادراتیندا اساس رول اویناییر. اونا گؤره ده بئله مهم متفیق ترورلا باغلی ناراحاتلیغی بؤلوشنده، بیز بونو جدی قبول ائتمه لییک. بیز ده محض بونو ائدیریک. آیدیندیر کی، فینلاندیا و سوئد بونلاری موذاکیره ائتمهیه حاضیردیر" دئییب.
فینلاندیا پرزیدنتی سائولی نینیسته ده تورکیه ایله دانیشیقلاردا هر هانسی ایرلیلییشین اولوب-اولماماسی مسئلهسینده "ایرلیلییش دیالوق کاناللاریمیزین آچیق اولماسی، دانیشیقلاریمیزی داوام ائتدیرمهسی کیمی دوشونوله بیلر" دئییب.
فینلاندیا پرزیدنتی اؤلکهسینین تورکیه-نین ناراحاتلیغینا ناتو عضولریندن فرقلی موناسیبتی اولمادیغینی و اونلارین بو باخیمدان نیه هدفه آلیندیغینی آنلاماغین چتین اولدوغونو سؤیلهییب.
ایلگیلیلی خبرلر
پاریسده یانغیندا 3 نفر اؤلوب
پاریسین 2-جی رایونوندا ایتالیانلار بولواری یاخینلیغینداکی بیر بینادا گئجه یاریسی یانغین باش وئریب