دونیا ساغلیق تشکیلاتی: "اومیکرون" دونیا میقیاسیندا دومینانت واریانتدیر
سون بیر هفتهده دونیادا تخمینن 22 میلیون یئنی "کووید-19" فاکتی قئیده آلینیب، 59 میندن چوخ اینسان ایسه ویروسا گؤره دونیاسینی دییشیب.
اوست: "اومیکرون" دونیا میقیاسیندا دومینانت واریانتدیر
دونیا ساغلیق تشکیلاتی یئنی نوع کوروناویروسون (کووید-19) "اومیکرون" واریانتینین دونیا میقیاسیندا دیگر واریانتلار اوزرینده خیلی دومینانت اولدوغو بیلدیریب و اپیدمینین حاضیرکی گئدیشاتینین "اومیکرون" ویروسونون قلوبال یاییلماسی ایله خاراکتریزه اولوندوغونو قئید ائدیب.
دونیا ساغلیق تشکیلاتی-نین سایتیندا درج اولونان "هفتهلیک کووید-19 گونجللهمه راپوروندا" هفتهلیک "کووید-19" حادثهسی و اؤلوم فاکتلارینین آرتیمی نیسبتلری ایله "اومیکرون" واریانتینین سون وضعیتی قیمتلندیریلیب.
24-30 ژانویه تاریخلری آراسیندا قلوبال "کووید-19" فاکتلاری اوولکی هفته ایله موقاییسهده دئمک اولار کی، عینی سرعتله آرتارکن، سون بیر هفتهده جان ایتکیسی 9 فایز آرتیب.
سون بیر هفتهده دونیادا تخمینن 22 میلیون یئنی "کووید-19" فاکتی قئیده آلینیب، 59 میندن چوخ اینسان ایسه ویروسا گؤره دونیاسینی دییشیب.
قئید ائدیلیب کی، "کووید-19" ویروسونون "آلفا"، "بتا"، "گاما"، "دلتا"، "لامبدا" و "مو" واریانتلاری قلوبال میقیاسدا آزالیب، "اومیکرون" ایسه اوولکی واریانتلاری دئمک اولار کی، تامامیله عوض ائدیب.
گریپ معلوماتلارینین پایلاشیلماسی اوزره قلوبال تشببوس (GISAID) طرفیندن سون بیر آیدا دونیادان توپلانان 433 مین 223 مثبت "کووید-19" نومونهسینین 93 فایزینین "اومیکرون"، 6،7 فایزینین "دلتا"، قالانینین ایسه دیگر واریانتلارا عایید اولدوغو بیلدیریلیب.
بو رقملرله "کووید-19" اپیدمیسینین قلوبال یاییلماسینین "اومیکرون" واسیطهسیله سجیلندیریلدیگی وورغولانیب.
ایلگیلیلی خبرلر
پاریسده یانغیندا 3 نفر اؤلوب
پاریسین 2-جی رایونوندا ایتالیانلار بولواری یاخینلیغینداکی بیر بینادا گئجه یاریسی یانغین باش وئریب