دونیا عذره کروناویروسوندان حیات ایتکیسی و یولوخما سایی
اپیدمی سببیندن ایندیدک حیاتینی ایتیرنلرین سایی 207 مین 20-نی، یولوخانلارین سایی ایسه 3 میلیونو کئچیب. معالیجه اولونان خسته لرین سایی 881 مین 561-ا چاتیب
اپیدمی سببیندن ایندیدک حیاتینی ایتیرنلرین سایی 207 مین 20-نی، یولوخانلارین سایی ایسه 3 میلیونو کئچیب. معالیجه اولونان خسته لرین سایی 881 مین 561-ا چاتیب
بیر گون عرضینده اؤلنلرین سایینین آزالماسینین داوام ائتدیگی ایتالیا-دا "کووید-19"دان جان ایتکیسی سون 24 ساعاتدا 260 آرتاراق 26 مین 644-ا چاتیب. بو، اپیدمی نین باش قالدیردیغی مارس آیی نین 14-دن بئریدیر قئیده آلینان ان آز اؤلوم سایی اولوب. اؤلکهده ویروسا یولوخانلارین سایی 256 آرتاراق 106 مین 103-ا چاتیب. باش ناظیر جوزپه کونته تدبیرلرین 4 می تاریخیندن اعتباراً تدریجن حیاتا کئچیریله جگینی آچیقلاییب.
امریکا-دا یئنی نوع کروناویروس اینفکسیونونا یولوخما حاللارینین سایی 980 مینی کئچیب، 55 میندن چوخ اینسان ایسه دونیاسینی دییشیب.
کروناویروسا یولوخما حاللارینین عمومیلیکده سایی گون عرضینده 21 مین 960 نفر آرتاراق، عمومیلیکده 982 مین 611 نفر تشکیل ائدیر، 55 مین 271 نفر ده ویروسدان اؤلوب.
قئید ائدک کی، امریکا هر ایکی گؤستریجی عذره دیگر اؤلکهلری کئچیب.
فرانسا-دا کروناویروسدان حیاتینی ایتیرنلرین سایی سون 24 ساعاتدا 242 نفر آرتاراق 22 مین 856 نفره، ویروسا یولوخانلارین سایی ایسه 5 مین 385 نفر آرتاراق 191 مین 358-ا چاتیب. بو رقملرده سون 5 هفته ایله موقاییسهده آزالما اولدوغو سؤیلنسه ده، عائله حکیملری سندیکاسی (MG) فرانسا عذره صدری ژاک باتتیستونی "فرانس اینفو"یا وئردیگی آچیقلامادا کروناویروسدان ائوده اؤلن اینسانلارین عمومی اؤلوم سایینا داخیل اولمادیغینی بیلدیرهرک، عائله حکیملریله فعالیت نتیجهسینده اؤلکه میقیاسیندا 9 مین آدامین ائولرینده ویروسدان اؤلدوگونو ایرهلی سوروب.
اینگیلتره-ده "کووید-19"دان اؤلنلرین سایی سون 24 ساعاتدا 413 آرتاراق 20 مین 732-ا چاتیب.
برزیلیا-دا"کووید-19" سببیله اؤلنلرین سایی 4 مین 205-ا، ویروسا یولوخانلارین سایی ایسه 61 مین 888-ا یوکسلیب.
کروناویروسدان آوسترالیا-دا اؤلنلرین سایی 83-ا چیخیب. اؤلکه داخیلینده تخمینن 510 مین اینسان اوزرینده آپاریلان تستلر نتیجهسینده، ویروسا یولوخدوغو آشکار ائدیلن 6 مین 713 آدامدان 5 مین 558-نین ساغالدیغی قئید ائدیلیب.
19 نفرین اؤلدوگو یئنی زلاندیادا کروناویروس اپیدمی سینه یولوخانلارین سایی مین 469-ا یوکسلیب، اونلاردان 180 نفر ساغالدی. اؤلکه مارسین 25-دن مجبوری حاللار استثنا اولماقلا تطبیق اولونان کوچه یه چیخما قاداغاسی گئجه یاریسیندان اعتباراً دایاندیریلیب. اؤلکه داخیلینده دؤردونجو سویه تطبیق اولونان قاداغالار و محدودیتلرین اوزینده ایش، آلیش-وئریش، باییرا چیخماق و بعضی سو ایدمان نؤع لرینه ایجازه وئرن داها یونگول قایدالار داخیل اولماقلا اوچونجو کاتقوری یه کئچیلیب.