دونیا-دا کروناویروسا یولوخانلارین سایی 1،5 میلیون نفری کئچیب
یئنی نوع کروناویروس سببیندن ایندیدک هلاک اولانلارین سایی 87 مینی، یولوخانلارین سایی ایسه 1،5 میلیونو کئچیب.
یئنی نوع کروناویروس سببیندن ایندیدک هلاک اولانلارین سایی 87 مینی، یولوخانلارین سایی ایسه 1،5 میلیونو کئچیب.
یئنی نوع کروناویروس سببیندن ایندیدک هلاک اولانلارین سایی 87 مینی، یولوخانلارین سایی ایسه 1،521 میلیونو، ساغالانلارین سایی ایسه 330 مینی کئچیب. سون گون عرضینده 84 مین 384 اینساندا کروناویروس آشکارلانیب، اؤلنلرین سایی ایسه 6 مین 414 نفر آرتیب.
یئنی نوع کروناویروس اپیدمیاسینین باش قالدیردیغی چین-ده سون 24 ساعات عرضینده ویروس سببیله داها 2 نفر اؤلوب. بئلهلیکله چین-ده، اپیدمیا باشلایاندان بری ویروس نتیجهسینده اؤلنلرین سایی 3 مین 335، داشیییجیلارین سایی 81 مین 865 اولوب، ویروسدان 77 مین 370 خسته ایسه ساغالیب.
یئنی نوع کروناویروسدان 4 مین 110 نفرین هلاک اولدوغو، توتولانلارین سایینین ایسه 64 مین 586 اولدوغو ایران-ین البرز ایالتینده ویروسون یولوخدوغو 100 یاشینداکی بیر خسته ساغالیب.
اؤلنلرین سایینین 204، یولوخانلارین سایینین ایسه 10 مین 423 اولدوغو گونئی کره-ده سون 24 ساعاتدا 39 اینساندا ویروس آشکارلانیب و بو رقمین 20 فوریه دن بو یانا اؤلکهده ان آشاغی رقم اولدوغو بیلدیریلیب.
یئنی کروناویروس (کووید-19) سببیله ایسرایل-ده اؤلنلرین سایی 73-ا یوکسلیب. ساغلیق ناظیرلیگی داها اول "کووید-19" ویروسونا یولوخانلارین سایینین 9 مین 404-ا یوکسلدیگینی، اونلاردان 801 خستهنین ساغالدیغینی بیلدیرمیشدی.
65 نفرین حیاتینی ایتیردیگی مالزیا-دا یئنی نوع کروناویروسا توتولانلارین سایی 4 مینی کئچیب.
سعودیه عربیستانینین پایتاختی ریاض-ین والیسی 77 یاشلی شاهزاده بندر بن عبدالعزیز ده داخیل اولماقلا کرال عائلهسینین 150 عضوو کروناویروسا یولوخوب.
یئنی نوع کروناویروس سببیندن اؤلنلرین سایی میصر-ده 103، مراکش-ده 93، الجزایر-ده 205، عراق-دا 69-ا چیخیب.
سومالی-ده یئنی کروناویروس سببیله ایلک اؤلوم حادثهسی باش وئریب.
دونیا ساغلیق تشکیلاتینین افریقا-داکی معلوماتلارینا گؤره، قاره-ده 10 مین 420 یولوخما فاکتی قئیده آلینیب، اؤلنلرین سایی 517-ا چیخیب.
لیبریا-دا اپیدمیا ایله موباریزه چرچیوهسینده فوق العاده وضعیت اعلان ائدیلیب.