آنگلا مرکل: "سوریه-ده سیاسی دییشیک‌لیگه احتیاج وار"
آلمانیانین باش ناظیری آنگلا مرکل سوریه-ده سیاسی دییشیک‌لیگه احتیاج اولدوغونو سؤیله‌ییب.
آلمانیانین باش ناظیری آنگلا مرکل سوریه-ده سیاسی دییشیک‌لیگه احتیاج اولدوغونو سؤیله‌ییب.
مرکل بمت-نین باش کاتیبی آنتونیو گوترش ایله کئچیردیگی گؤروش‌دن اول تشکیل ائدیلن مطبوعات کنفرانسیندا سوریه آنایاسا کومیته‌سی‌نین ییغینجاق‌لارینا ایشاره ائده‌رک، آلمانیانین بونا دستکی‌نین اولماسینی ایسته‌دیگینی بیلدیریب.
"چونکی سوریه-ده سیاسی دییشیک‌لیگه احتیاجیمیز وار. یئنی آنایاسا موضوع سوندا فعالیت‌لره احتیاجیمیز وار" ایفاده‌سینی ایشله‌دن مرکل، آنجاق او زامان اردن-دان، لبنان-دان، تورکیه-دن و حتی آلمانیا-دان قاچقین‌لارین بیر گون گئری قاییتماسینا ایمکان یارادا‌جاق شرط‌لرین سوریه-ده یارانا بیله جگینی وورغولاییب.
لیبی-ده باریش پروسه‌نین ده اهمیت‌لی اولدوغونو قئید ائدن مرکل بو باره‌ده برلین-ده کئچیریلن دانیشیق‌لارین لیبی-ده سیاسی ثابیتلیگین یارانماسینا تحفه سی‌‌نین اولماسینا اومید ائتدیگینی دیله گتیریب.
بمت-نین باش کاتیبی گوترش ده سوریه-ده کی بحرانین اوزون مودت‌دیر داوام ائتدیگینی بیل‌دیره‌رک، "سوریه-ده خالقین چکدیگی اضطراب اینسانی شوکا سالیر" دئییب.
گوترش سوریه آنایاسا کومیته‌سی‌نین یارادیلماسی‌نین اهمیت‌لی اولدوغونو دیله گتیریب.
لیبی موضوع سوندا کئچیریلمه‌سی پلان‌لاش‌دیریلان ذیروه ییغینجاغی‌نین حل یولو تاپیلماسینا دستکی‌نین اولاجاغینی بیلدیرن گوترش لیبی-ده باریش شرایطی‌نین حاکم اولماسی‌نین ساحل بؤلگه‌سینده ثابیتلیگین حاکم اولماسی معناسینی داشیدیغینی قئید ائدیب.
ایلگیلی‌لی خبرلر
پاریسده یانغیندا 3 نفر اؤلوب
پاریسین 2-جی رایونوندا ایتالیانلار بولواری یاخینلیغینداکی بیر بینادا گئجه یاریسی یانغین باش وئریب
