آمریکا: یئنی حکومتله ایشی صبیرسیزلیکله گؤزلییریک
ارنست، گونده‌لیک مطبوعات بریفینگینده، موضوعیلا باغلی بیر سوال اوزرینه، آمریکاین بیر ناتو موتتفیقی اولان تورکیه ایله یاخین‌دان سیاسی، اقتصادی و گوونلیک امکداش‌لیغی داوام ائتدیرمه تعهودونده اولدوغونو ایفاده ائتدی
"یئنی حکومتله ایشی صبیرسیزلیکله گؤزلییریک"
آغ ائو سؤزچوسو جان ارنست، تورکیه‌ده ائدیلن میللت وکیلی عمومی سئچیم‌لری‌نین آردین‌دان یئنی پارلامنت و حکومتله ایشی صبیرسیزلیکله گؤزلدیک‌لرینی سؤیله‌دی.
ارنست، گونده‌لیک مطبوعات بریفینگینده، موضوعیلا باغلی بیر سوال اوزرینه، آمریکاین بیر ناتو موتتفیقی اولان تورکیه ایله یاخین‌دان سیاسی، اقتصادی و گوونلیک امکداش‌لیغی داوام ائتدیرمه تعهودونده اولدوغونو ایفاده ائتدی.
ارنست، سئچیم نتیجه‌لری‌نین ترور تشکیلاتی داعش ایله مباریزه‌یه نئجه تأثیری اولا‌بیلجگینه دایر سوالا وئردیگی جوابدا ایسه، آمریکاین، داعشین فایدالاندیغی خاریجی ساواشچی آخینینی قارشی‌سینی آلماق اوچون تورکیه ایله یاخین‌دان کووردیناسیون حالیندا اولدوغونو ایفاده ائتدی.
سوریه ایله اوزون بیر مرزه صاحب تورکیه‌نین، سوریه‌یه گئتمک و داعش طرف‌لرینده ساواشماق ایسته‌ین فردلرین مشهور اولا‌راق ایستیفاده ائتدیگی بیر مسیر اولدوغونا وورغو ائدن ارنست؛
- "بو موضوعدا تورکیه‌نین بو آنا قدر ائتدیک‌لرین‌دن ممنونیت دویوروق آنجاق، ائتمه‌سی لازیم اولان داها چوخ اهمیت‌لی ایش اولدوغونا اینانیریق" دئدی.
