جوزپ بورل: اوروپا بیرلیگی غزه مسئله‌سی ایله باغلی چوخ پارچالانمیش
اوروپانین فیلیسطین مسئله‌سینده "بؤلوندویونو" شرح ائدن بورل، " اوکراینی سیاسی، اقتصادی، هر قونودا دستکله‌مکده چوخ بیرلیک اولدولار. غزه مسئله‌سی ایله باغلی چوخ پارچالانمیشیق" دئدی
اوروپا بیرلیگینین خاریجی علاقه‌لر و تهلوکه‌سیزلیک سیاستی اوزره عالی نوماینده‌سی جوزپ بورل، اوکراین-روسیه موحاریبه‌سینده بیرلیک ایچینده حرکت ائدن عوضو اؤلکه‌لرین فیلیسطینه گلدیکده "حدن آرتیق پارچالانمیش" اولدوغونو بیلدیریب.
جوزپ بورل آمریکانین استنفورد بیلیم یوردونون هوور انستیتوسوندا چیخیشی زامانی غزه زولاغینداکی وضعیتله باغلی قیمتلندیرمه‌لر ائدیب.
فیلیسطین رهبرلیگینی گوجلندیرمک اوچون سیاسی پروسه‌نین باشلانماسی لازیم اولدوغونا ایشاره ائدن بورل، "بو فاجیعه‌دن قورتولماغین تک یولونون ایکی دؤولتلی بیر حل یولونا نائل اولماق اولدوغونو یوکسک سسله و آچیق شکیلده بیلدیرملیییک. نه قدر چتین اولسا دا بو فاجیعه (ایسرائیلین بؤلگه‌یه داخیل اولماسی) بشریتین ویجدانیندا لکه اولاراق قالاجاق.من [هوجوملاری] دایاندیرماق اوچون باشقا یول گؤرمورم." قیمتلندیرمه آپاریب.
اوروپانین فیلیسطین مسئله‌سینده "بؤلوندویونو" شرح ائدن بورل، "بعضی ایستثنالار اولماقلا، اونلار (اوروپا بیرلیگی اؤلکه‌لری) روسیه‌یه قارشی چوخ هم‌رایدیرلر. اوکراینی سیاسی، اقتصادی، هر قونودا دستکله‌مکده چوخ بیرلیک اولدولار. غزه مسئله‌سی ایله باغلی چوخ پارچالانمیشیق." دئدی.
اوروپا بیرلیگینین ایکی دؤولتلی حلی مومکون ائتمک اوچون مسئولییت داشیدیغینی و عرب طرفداشلارلا تماسلارین داوام ائتدیگینی ایفاده ائدن بورل، "حل آختاریشلارینی داوام ائتدیرمکده آمریکا طرفینده معین بیر یورغونلوق گؤرورم" تنقیدینی ائتدی.
اکتبرین 7-دن ایسرائیلین غزه زولاغینا ائتدیگی هوجوملاردا اکثریتی اوشاق و قادین اولان 35 مین‌دن چوخ فیلیسطین‌لی حیاتینی ایتیریب.
ایلگیلی‌لی خبرلر
روسیا آمریکانی اویاردی
"آمریکالی مقاملاری گئری قایتاریلماز نتیجه‌لری اولابیله‌جک یانلیشلارا قارشی اویارماق ایسته‌ییریک"
گونئی کره افریقا اولکه لری ایله امکداشلیغی گوجلندیریر
گونئی کره افریقا اؤلکه‌لری ایله بیر چوخ ساحه‌لرده امکداشلیغی گوجلندیرمگی هدفلییر.
