تورک ایسانسیز اوچاقلار علیهینه یونان طرفیندن حمله
یونانین ساوونما ناظیری: یونان اراضیسینی احاطه ائدن پیلوتسوز اوچوش آپاراتلارینا علیهینه گونبز اینشا ائدیله‌جک
یونانین ساوونما ناظیری نیکوس دندیاس تورکیه‌نین بایراکتار تب-2 پیلوتسوز اوچوش آپاراتلارینا قارشی "یونان اراضیسینی احاطه ائدن پیلوتسوز اوچوش آپاراتلارینا علیهینه گونبز اینشا ائده‌جکلرینی" بیلدیریب.
"نافتمپوریکی" قزئتینه دانیشان نیکوس دندیاس یونان اوردوسوندا اصلاحاتلار آپاراجاقلارینی و اؤز ساوونما تکنولوژیسی پروگراملارینی اینکیشاف ائتدیره‌جکلرینی بیلدیریب.
سون اوچ ایلده دونیادا و بؤلگه‌ده ژئوسیاسی غیر معیینلیگین آرتدیغینی و یونانین هر جور سناریویا حاضیرلاشماسی لازیم اولدوغونو قئید ائدن دئندیاس موخبیرین، "اوکراین 21-جی عصرده موحاریبه‌لرده ایسانسیز اوچاق و ایسانسیز اوچاق علیهینه سیستملرین موهوم رول اوینایاجاغینی گؤستردی. قونشو تورکیه بو ساحه‌ده جیددی ایرلیلییشلر الده ائدیب. یونانین وضعییتی نئجه‌دیر؟" سوالینا بئله جاواب وئریب
"آیدیندیر کی، بو ساحه‌ده تکنولوژی اینکیشافلار گلوبال سوییه‌ده موحاریبه‌لری دییشیب. ارمنیستانا سون سفریم زامانی پیلوتسوز اوچوش آپاراتلارین معاصیر ساواش مئیدانیندا نئجه ایستیفاده اولونماسی ایله باغلی هرطرفلی معلومات الده ائتدیم. بیلدیگینیز کیمی بو اؤلکه‌نین اوردوسو بایراکتارلارین دا اولدوغو پیلوتسوز اوچوش آپاراتلاردان گئنیش ایستیفاده ائدن بیر اوردو (آزربایجان) طرفیندن هوجوما معروض قالیب. ارمنیستانلا ساوونما ساحه‌سینده امکداشلیق اوچون چالیشاجاغیق. یونان بو ساحه‌ده پوتانسیلینی گوجلندیرمیه چالیشیر. یونان اراضیسینی احاطه ائدن پیلوتسوز اوچوش آپارات علیهینه گونبز اینشا ائده‌جییک".
