مسجیده سالدیری؛ ۶ نفر اؤلدو
هرات ویلایتینده‌کی گوذره ولووسوالیسینده دونن آخشام یئرلی ساعاتلا ۲۱.۰۰ده، بیر سالدیرقانین، کالاشنیکوو سلاحلا مسجیدده آتیش ائتمه‌سی نتیجه‌سینده ۶ نفرین حیاتینی ایتیردیگی بیلدیریلدی
2133961
افغانیستانین هرات ویلایتینده، بیر مسجیدده ناماز قیلانلاری هدف آلان سلاحلی سالدیریدا، ۶ نفر حیاتینی ایتیردی.
طالبان رهبرلیگینین ایچ ایشلری باخانلیغی سؤزچوسو عبدالمتین قانع، سوسیال مئدیا پلتفورموندان یاییملادیغی آچیقلامادا، هرات ویلایتینده‌کی گوذره ولووسوالیسینده دونن آخشام یئرلی ساعاتلا ۲۱.۰۰ده، بیر سالدیرقانین، کالاشنیکوو سلاحلا مسجیدده آتیش ائتمه‌سی نتیجه‌سینده ۶ نفرین حیاتینی ایتیردیگینی بیلدیردی.
متین، حادثه‌یه باغلی آیرینتیلی آچیقلامانین داها سونرا وئریله‌جگینی قید ائتدی.
طلوع نیوز کانالی ایسه شیعه‌لره عاید مسجیدده‌کی سالدیریدا، مسجید ایمامینین دا آرالاریندا اولدوغو ۷ نفرین اؤلدوگونو بیلدیردی.
سالدیرینین مسئولیتینی هله اۆستلنن اولمادی.
افغانیستاندا ترور هؤرگوتو داعش، آرا آرا اؤزللیکله شیعه هزاره‌لره اقارشی سالدیریلار تشکیل ائدیر.
