پوتین سئچکی‌لره قدر تورکیه-یه سفر ائتمه‌یه‌جک
پسکوو پوتین‌ین تورکیه-یه سفری ایله باغلی آچیقلاما وئریب.
2107610
کرملین سؤزچوسو دمیتری پسکوو پرزیدنت ولادیمیر پوتین‌ین تورکیه-یه سفری‌نین مارسین 15-17-ده کئچیریله‌جک پرزیدنت سئچکی‌لرینه قدر باش توتمایاجاغینی بیل‌دیره‌رک، "آنجاق یوکسک سویه‌لی تماس‌لارا حاضیرلیق گؤرولور" دئییب.
پسکوو پایتاخت موسکوادا وئردیگی آچیقلامادا پوتین و پرزیدنت رجب طیب اردوغانین سیخ ایش گرافیکی‌نین اولدوغونا دقت چکه‌رک دئییب:
"سفر سئچکییه قدر (15-17 مارس) باش توتمایا‌جاق. پوتین‌ین سئچکییه قدر گرگین و استرس‌لی ایش گرافیکی وار. اردوغانین دا ایش گرافیکی کیفایت قدر سیخ‌دیر. بونونلا بئله، یوکسک سویه‌لی تماس‌لارا حاضیرلیق گؤرولور. بو تماس‌لار هر ایکی لیدرین جدولینه داخیل ائدیله‌جک".
