ایراندا بورو خطینده پاتلاما
چهارمحال و بختیاری ایالتینه باغلی بروجن ائلچهسیندهکی دوغال گاز آنا پایلاما بورو خطینده شدتلی پاتلاما میدانا گلدی.
ایراندا، بیر طبیعی گاز آنا پایلاما بورو خطینده شدتلی پاتلاما اولدوغو، حادثهنین تروریست تخریبات اولدوغو بیلدیریلدی.
چهارمحال و بختیاری ایالتینه باغلی بروجن ائلچهسیندهکی دوغال گاز آنا پایلاما بورو خطینده شدتلی پاتلاما میدانا گلدی.
بروجن باش مأمورو فتاح کرمی، دؤولت تلویزیونونا وئردیگی آچیقلامادا، حلوایی بؤلگهسیندهکی طبیعی گاز آنا پایلاما خطینده یانغین و پاتلاما میدانا گلدیگینی، بروجن-لردگان-خوزیستان بورو خطینین باغلانیلدیغینی ایفاده ائتدی.
بؤلگهیه آختارما قورتارما قروپلاری سؤوق ائدیلدیگینی دیله گتیرهن ایرانلی مسئول، بورودا قالان گازین بیتیمینه قدر یانغینین داوام ائدهبیلهجگینی ایفاده ائتدی.
اؤته یاندان بروجن اطفاعیه مودورو اسماعیل یزدانی، حلوایی و بلداجی قورو یولونا یاخین بیر بؤلگهده میدانا گلن پاتلامادا اؤزلرینه بو آنا قدر اؤلو و یارالی اولدوغونا دایر بیر بیلگی گلمهدیگینی سؤیلهدی.
ایران میللی گاز شیرکتی گاز پایلاما مودورو سعید عقلی ایسه، پاتلامانین تروریست تخریبات ائیلمی اولدوغونو بیلدیردی.
عقلی، پاتلاما سببی ایله اؤلکهدهکی گاز پایلاما شبکهسینده ثباتسیزلیق میدانا گلمهدیینی وورغولایاراق، یالنیز اصفهان ایالتینده خطین یاخینینداکی بعضی کندلرده تضییق ائنیشی و گاز کسیلمهسی یاشاندیغینی و سؤزو گئدن کسیلمهنی آرادان قالدیرماق اوچون ایشلرین سۆردوگونو دیله گتیردی.
سالدیرینین مسئولیتینی هله بوینونا گؤتورهن اولمادی.