ایران، آمریکانین بغدادا سالدیریسینی قینادی
ایران، آمریکانین عراقین باشکندی بغداددا تشکیل ائتدیکی اینسانسیز هاوا آراجلی سالدیرینی ترور ائیلمی شکلینده تانیملایاراق شدتله قینادی
ایران، آمریکا بیرلشمیش دؤولتلرینین عراقین باشکندی بغداددا تشکیل ائتدیکی اینسانسیز هاوا آراجلی (ایهالی) سالدیرینی "ترور ائیلمی" شکلینده تانیملایاراق شدتله قینادی.
ایران خاریجی ایشلر باخانلیغی سؤزچوسو ناصر کنعانی، یاییملادیغی یازیلی آچیقلامادا، سؤز و گئدن ائیلمین، عراقین "میللی اگمنلیگینین و تورپاق بوتونلوگونون پوزونتوسو" اولدوغو دگرلندیرمه‌سین وئررک اولوسلارآراسی حقوق و قانونلارا ضد اولدوغونو ایفاده ائتدی.
آمریکانین اسیراغا گۆن آخشام بغداددا شیعه میلیس گوجو حشد شعبی چتری آلتیندا اولان کتائب حزب‌اللها باغلی باشچیلاردان ابو باقر الساعدینی هدف آلدیغی هاوا سالدیریسینا تپکی وئره‌ن کنعانی، "آمریکا سنتکوم (مرکز قوتلر قوموتانلیغی) ترور گوجونون بغدادداکی سالدیرقان ائیلمی، صهیونیست رژیمین (ایسرائیلین) مظلوم فیلیسطین خالقینا قارشی ایشله‌دیگی سوچلارا وئردیگی تام دستگین داوامی ایستیقامتینده گئرچکلشدیردیگینی" ایفاده ائتدی.
کنعانی، عراق خالقی و حکومتینه باش‌ساغلیغی دیله‌یرک، "آمریکانین بو جور ماجرالارینین داوام ائتمه‌سینین بؤلگه‌سل و اولوسلارآراسی باریشا و گۆونلیگه قارشی بیر تهدید" اولدوغو دگرلندیرمه‌سینی وئردی.
آمریکانین بؤلگه‌ده‌کی ائیلملرینی "یاسادیشی و تک طرفلی سالدیریلار" اولاراق تانیملایان کنعانی، سالدیریلارین اؤنله‌نمه‌سی و غیر ثابتلیگین گئنیشله‌مه‌سینین انگللنمه‌سی قونوسوندا بیرلشمیش میللتلر گۆونلیک شوراسینین یانیندا اولوسلارآراسی توپلومون دا مسئولیتینین اولدوغونو ایفاده ائتدی.
سنتکوم، آمریکا گوجلرینین، آمریکا عسگرلرینه قارشی سالدیریلارا جاواب اولاراق عراق‌دا ۷ فوریه چرشنبه گونو (یئرلی) ساعات ۲۱.۳۰دا تک طرفلی بیر سالدیری تشکیل ائتدیگینی و (شیعه میلیس گوجو) کتائب حزب‌الله قروپوندان بیر باشچینین اؤلدورولدوگونو بیلدیرمیشدی.
عراق حکومتینه باغلی گۆونلیک مئدیا شبکه‌سی باشقانی ژنرال تحسین خفاجی ایسه وئردیگی یازیلی آچیقلامادا، سالدیرینین عراق و آمریکا آراسینداکی بوتون آنلاشمالاری بالتالادیغینی ایفاده ائد‌رک، "عراقین تهلوکه‌سیزلیگینی تهدید ائدن بو سالدیریدان آمریکا و کوالیسیون گوجلرینی مسئول توتوروق" ایفاده‌سینی ایشلتمیشدی.
سنتکوم، ۲۹ ژانویه‌ده آمریکالی ۳ عسگرین اؤلدوگو، ۴۰دان چوخ عسگرین یارالاندیغی آمریکایا عایید برج ۲۲ آدلی مرکزه ائدیله‌ن سالدیریا قارشیلیق اولاراق، عراق و سوریه‌ده ایران اینقیلاب گؤزتچیلری اوردوسونا عاید هدفلره قارشی ۲ فوریه‌دن اعتباراً هاوا سالدیریلاری تشکیل ائتدیگینی بیلدیرمیشدی.
