ایران: هر جور سالدیرییا قارشیلیق وئریله‌جک
ایرانین بیرلشمیش میللتلر دائمی نماینده‌لیگی، آمریکا بیرلشمیش دؤولتلرینین سون ۲ گۆنده آراچیلار یولویلا ایرانا آیری آیری مئساژلار گؤندردیگینه دایر خبرلره باغلی یازیلی آچیقلاما یاییملادی
ایران، "تورپاقلارینی، چیخارلارینی و یا وطنداشلارینی هدف آلاجاق هر جور سالدیرییا قرارلی بیر جاوابلا قارشیلیق وئرجگینی" بیلدیردی.
ایران رسمی خبر آژانسی ایرنایا گؤره، ایرانین بیرلشمیش میللتلر دائمی نماینده‌لیگی، آمریکا بیرلشمیش دؤولتلرینین سون ۲ گۆنده آراچیلار یولویلا ایرانا آیری آیری مئساژلار گؤندردیگینه دایر خبرلره باغلی یازیلی آچیقلاما یاییملادی.
آچیقلامادا،
"بو جور مئساژ آلیش وئریشی ائدیلمه‌دی. بونا قارشیلیق، هر هانسی بیر طرفین ایران تورپاقلارینا و یا ایران سرحدلری دیشیندا‌کی چیخارلارینا و یا وطنداشلارینا سالدیرماسی دوروموندا قرارلی و گۆجلو بیر جاوابلا قارشیلاشماسی ایرانین تمل سیاستیدیر" ایفاده‌لرینه یئر وئریلدی.
ایرانین بیرلشمیش میللتلر دائمی نماینده‌لیگینین آچیقلاماسی، آمریکا باشقانی جو بایدنین، ایرانا باغلی عراقلی قروپلارین اردن-سوریه سرحدینده آمریکا عسگرلرینی اؤلدوره‌ن اینسانسیز هاوا آراجی سالدیریسینا قارشیلیق وئره‌جکلرینی بیلدیرمه‌سیندن سونرا گلدی.
آمریکانین اردن-سوریه سرحدینده‌کی عسگری مرکزینه ۲۸ ژانویه‌ده کامی‌کازه اینسانسیز هاوا آراجی ایله گئرچکلشدیریلن سالدیریدا ۳ آمریکا عسگری اؤلموش، ۴۰دان چوخ عسگر ده یارالانمیشدی.
باشدا بایدن اولماق اۆزره آمریکالی مقاملار، سالدیریدان ایران دستکلی قروپلاری مسئول توتموش، آمریکانین سئچه‌جگی بیر زامان و یئرده سالدیرییا قارشیلیق وئریله‌جگینی ایفاده ائتمیشدی.
ایران، سؤزو گئدن سالدیرییلا باغلانتیلی اولدوغو ادعالارینی رد ائد‌رک،
"بؤلگه‌ده‌کی مقاومت گۆجلری قرار و ائیلملرینده ایراندان تاپشیریق آلمیر" ایفاده‌سینی ایشلتمیشدی.
