ایران 28 اؤلکه ایله ویزا رژیمینی بیرطرفلی قایدادا لغو ائتدی
ایران خاریجی ایشلر ناظیری یاردیمچیسی: توریزم مقسدی ایله ایرانا سفر ائدن بو 28 اؤلکه‌نین وطنداشلارینین 4 فوریه 2024 تاریخیندن اعتیبارن ایرانا سیاحت ائتمک اوچون ویزایا احتییاجی اولمایاجاق
ایران توریزمی جانلاندیرماق اوچون 4 فوریه‌دن 28 اؤلکه ایله ویزا رژیمینی بیرطرفلی قایدادا لغو ائتدییینی آچیقلاییب.
ایرانین رسمی خبر آژانسی ایرنانین معلوماتینا گؤره، خاریجی ایشلر ناظیرینین یاردیمچیسی علی رضا بیگدیلی بیلدیریب کی، بعضی اؤلکه‌لرین وطنداشلارینین ایرانا توریزم مقصدی ایله سفرلری اوچون بیرطرفلی ویزادان آزاد ائدیلمسی حاققیندا قرار ایلگیلی قوروملارا گؤندریلیب.
بیگدیلی ویزا آزادلیغینین سعودی عربیستان، قطر، بیرلشمیش عرب امیرلیکلری، بحرین، اؤزبکیستان، تونس، تانزانییا، ژاپن، اندونزی، سنگاپور، برزیل، صربیستان، بوسنی و هرزگووین، بلاروس و هیندیستان کیمی 28 اؤلکه‌یه تطبیق ائدیله‌جیینی بیلدیریب.
ایران رسمیسی، 28 اؤلکدن هیندیستان وطنداشلاری ویزا اولمادان تکجه هاوا یولو ایله ایرانا داخیل اولا بیلرلر و قورو سرحدلریندن کئچمک اوچون ویزا آلمالی اولاجاقلارینی بیان ائدیب.
بیگدیلی، "بونا اویغون اولاراق، توریزم مقسدی ایله ایرانا سفر ائدن بو 28 اؤلکه‌نین وطنداشلارینین 15 بهمن 1402 (4 فوریه 2024) تاریخیندن اعتیبارن ایرانا سیاحت ائتمک اوچون ویزایا احتییاجی اولمایاجاق" دئدی.
