غزه-ده هلاک اولان‌لارین سایی 26 مینه یاخینلاشیب

ایسراییل اوردوسونون 7 اوکتبردان اعتباراً غزه زولاغینا تشکیل ائتدیگی هوجوم‌لاردا هلاک اولان فیلیسطین‌لیلرین سایی سون بیر هفته‌ده 1280 نفر آرتا‌راق 25 مین 900-ا چاتیب.

غزه-ده‌کی ساغلیق ناظیرلیگیندن وئریلن آچیقلامادا ایسراییلین 111 گون اول غزه زولاغینا باشلادیغی و شدتلی شکیلده داوام ائتدیردیگی هوجوم‌لارلا باغلی معلومات وئریلیب.

اوکتبرین 7-دن محاصیره ده اولان غزه زولاغینا ائدیلن هوجوم‌لاردا هلاک اولان فیلیسطین‌لیلرین سایی‌نین سون بیر هفته‌ده 1280 نفر آرتا‌راق 25 مین 900 نفره، یارا‌لی سایی‌نین ایسه 64 مین 110 نفره یوکسلدیگی قئید ائدیلیب.

آچیقلامادا طبی یاردیمین هله ده غزه ایله محدودلاشدیغی و خسته‌خانا‌لارداکی اساس احتیاج‌لاری قارشیلامادیغی وورغولانیب و اولوسلار آراسی تشکیلات‌لار؛ عاجیل یاردیم خیدمت‌لری، ای سی یو شعبه‌لری، عملیات اوتاق‌لاری، همچنین کانسر و قان خسته‌لری‌نین احتیاج دویدوغو داوا و طبی لوازیمات‌لارلا تامین اولونماسی اوچون چاغیریش ائدیلیب.

آچیقلامادا غزه-ده 7 مین یارا‌لی و خسته‌نین حیات‌لارینی خلاص ائتمک اوچون خاریجده معالیجه‌‌یه احتیاجی اولدوغو دا وورغولانیب.