غزه زولاغیندا ایسرائیل اوردوسونا مخصوص 21 ماشین آتشه توتولوب
فیلیسطینلی گروپلار قارشیدورمالار زامانی ایسرائیل اوردوسونا عاید 14 تانک، 4 بولدوزر و 3 پرسنل داشییان ماشین اولماقلا 21 ماشین هدفه آلیب
غزه زولاغینداکی فیلیسطینلی گروپلارین ایسرائیل اوردوسونا مخصوص 21 ماشینی آتشه توتدوغو بیلدیریلیر.
فیلیسطینین مقاویمت حرکاتی حماسین حربی قانادی عزالدین قسام توغایلاری و ایسلامی جهادین حربی قانادی قدس توغایلاری مسئله ایله باغلی یازیلی آچیقلاما وئریب.
آچیقلامایا گؤره، فیلیسطینلی گروپلار دونن غزه زولاغینین جنوبونداکی رفح، شیمالدا جبالیه قاچقینلار دوشرگه‌سینین شرقینده و غزه شهرینین ایزیتون محله‌سینده ایسرائیل اوردوسو ایله شیدتلی توققوشمالارا باشلاییب.
قارشیدورمالار زامانی ایسرائیل اوردوسونا عاید 14 تانک، 4 بولدوزر و 3 پرسنل داشییان ماشین اولماقلا 21 ماشین هدفه آلینیب.
ایسرائیل قووه‌لری رفحده داها اول تله قورولموش تونله گیرمک ایستَییرکن تونلین گیریشینده‌کی بوبی تله‌سینین پارتلاماسی نتیجه‌سینده سؤزوگئدن قووه‌لردن بعضیلری هلاک اولوب، دیگرلری ایسه یارالانیب.
رفحده بوبی تله‌سی قورولموش ائو پارتلادیلان زامان دا ائوده اولان ایسرائیل خوصوصی قووه‌لری اؤلوب و یارالانیب.
