سوریهدهکی آمریکا هدفلرینه سالدیری
کونیکو گاز تاسیسینه قورودان قورویا آتیش ائدیلهن سلاحلارلا سالدیری گئرچکلشدیریلدی
سوریهنین دوغوسونداکی دیرالزور ائلینده آمریکا بیرلشمیش دؤولتلری گوجلرینین اولدوغو کونیکو گاز تاسیسینه سالدیری تشکیل ائدیلدی.
کونیکو گاز تاسیسینه قورودان قورویا آتیش ائدیلهن سلاحلارلا سالدیری گئرچکلشدیریلدی.
سالدیریدا، هر هانسی بیر زیان اولوب اولمادیغی بیلینمیر.
حسکه و دیرالزوردا آمریکا اوردوسونون مرکزلری، یئنی ایلدن بو یانا تئز تئز راکت و عایدیتی بیلینمهیهن کامیکازه ایهالارلا هدف آلینیر.
فیرات چایینین دوغوسوندا قالان دیرالزور تورپاقلاری، آمریکا دستکلی بؤلوجو ترور هؤرگوتو پکاکا/یپگنین ایشغالیندا، ائل مرکزی و دیگر چؤل بؤلگهلر ایسه اسد رژیمی و ایران دستکلی قروپلارین کنترلوندادیر.
بو آرادا، آمریکا ساوونما باخانلیغی (پنتاگون)، ۲۰ ژانویهده، عراقدا آمریکا عسگرلرینین ده اولدوغو عین الاسد حربی مرکزینه بالیستیک موشک و راکتلرله تشکیل ائدیلهن سالدیرینین، ایندییه قدر ائدیلهنلردن داها بؤیوک مقیاسلی اولدوغونو بیلدیردی.
پنتاگون سؤزچوسو کؤمکچیسی سابرینا سینگ، عراقین انبار ویلایتیندهکی آمریکا عسگرلرینین ده اولدوغو عین الاسد عسگری مرکزینه هفته سونو ائدیلهن سالدیری حاقیندا قدگرلندیرمهلر وئردی.
سینگ، عراق و سوریهده آمریکا عسگرلرینین اولدوغو مرکزلره، ۷ اکتبردن بو یانا ۱۴۳ سالدیری گئرچکلشدیریلدیگینی ایضاح ائدرک، ۲۰ ژانویهده تشکیل ائدیلهن سالدیری اوچون "اؤنجهکی گؤردوکلریمیزدن داها بؤیوک مقیاسلی بیر سالدیری ایدی" ایفادهسینی ایشلتدی.
آمریکا مرکز قوتلر قوموتانلیغینین (سنتکوم) اینترنت سایتیندا وئریلهن آچیقلامادا، ایران دستکلی میلیتانلار طرفیندن ۲۰ ژانویهده یئرلی ساعاتلا ۱۸.۳۰دا عراقین باتیسیندا اولان عین الاسد عسگری مرکزینه چوخ ساییدا بالیستیک موشک و راکت آتیلدیغی ایفاده ائدیلمیشدی.