نتانیاهو: سالدیریلار سونونا قدر داوام ائدهجک
"حماس اورتادان قالدیریلانا قدر، ظفره قدر داوام ائدجک. داوراجاغیمیزی دوشونهنلرین حقیقتله علاقهسی یوخ"
ایسرائیل باشباخانی بنیامین نتانیاهو، غزه یولاغیندا ۷۵ گوندور داوام ائدن سالدیری و قیرغینلارینی "سونونا قدر داوام ائتدیرهجکلرینی" وورغولایاراق، "داوراجاغیمیزی دوشونهنلرین حقیقتله باغلانتیسی یوخ" دئدی.
نتانیاهو، ایسرائیل اوردوسونون غزهدهکی سالدیریلارینا باغلی مطبوعات آچیقلاماسی وئردی.
"ساواشی سونونا قدر داوام ائتدیرهجکلرینی" ایفاده ائدن ایسرائیل باشباخانی،
"حماس اورتادان قالدیریلانا قدر، ظفره قدر داوام ائدجک. داوراجاغیمیزی دوشونهنلرین حقیقتله علاقهسی یوخ. حماسین اورتادان قالدیریلماسی، گیروولاریمیزین سربست بوراخیلماسی و غزه تهدیدینین اورتادان قالدیریلماسی یولوندا تعیین ائتدیگیمیز بوتون هدفلره چاتانا قدر موباریزهنی بوراخمایاجاغیق" دئیه دانیشدی.
نتانیاهو، ایسرائیل اوردوسونون غزهده وطنداشلاری هدف آلدیغی قیرغینلاری، "حماسا جهنم اودویلا سالدیریریق. یالنیز ایکی سئچهنکلری وار: تسلیم اولماق یا دا اؤلمک" سؤزلریله ساووندو.
حماسین عسگری قانادی قسام توغایلاری، ۷ اکتبردا ایسرائیله "اقصی توفانی" آدلی گئنیش بیر سالدیری باشلاتدیغینی بیلدیرمیشدی.
ایسرائیل اوردوسو دا بونا قارشیلیق، ساواش اوچاقلاری ایله غزه شیولاغینا دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده، چوخو اوشاق ۲۰ میندن چوخ فیلیسطینلی جان وئردی.