آلمانیانین خاریجی ایشلر ناظیری کیئوه سفر ائدیب
آلمانیانین خاریجی ایشلر ناظیری آنالنا بائربوک اوکراینانین پایتاختی کیئوه سفر ائدیب.
آلمانیانین خاریجی ایشلر ناظیری آنالنا بائربوک اوکراینانین پایتاختی کیئوه سفر ائدیب.
امریکانین نیویورک شهرینده کئچیریله‌جک بمت عمومی ایجلاسیندان اول اؤلکه‌سی‌نین اوکراینایا دستکینی نوماییش ائتدیرمک اوچون کیئوه گئدن آنالنا بائربوک‌ون سفری باره‌ده معلومات تهلوکه‌سیزلیک باخیمیندان داها اول‌دن اعلان ائدیلمه‌ییب.
آنالنا بائربوک وئردیگی آچیقلامادا روسیانین اوکراینایا محاربه اعلان ائتمه‌سیندن 565 گون کئچدیگینی بیلدیریب.
"هر گون یئنی بیر دهشت یاشانیر. بو، اوکراینا خالقی‌نین یاشادیغی وحشی رئال‌لیق‌دیر"،-دئیه آنالنا بائربوک قئید ائدیب.
آنالنا بائربوک بیلدیریلیب کی، اوکراینا آوروپانین آزادلیغینی بؤیوک جسارت و قطعیت ایله مدافعه ائدیر. آلمانیا اوکراینایا اقتصادی، حربی و اینسانی دستک وئرمک‌دن واز کئچمه‌یه‌جک.
آنالنا بائربوک روسیا پرزیدنتی ولادیمیر پوتین‌ین اوکراینادا "دهشت‌لی ترور تؤرتدیگینی" ایفاده ائده‌رک پوتین‌ین بو مقصدله اوکراینا‌داکی گونده‌لیک حیاتی و سیویل تاسیس لری هدف آلدیغینی، خالقی روح‌دان سالماق ایستدیگینی وورغولاییب.
آنالنا بائربوک بیلدیریب کی، روسیا اؤز بومبا‌لاری ایله تکجه اوکراینادا اینسان‌لاری اؤلدورمه‌ییب، هم ده مین‌لرله اوکراینا‌لی اوشاغین گله‌جگینی اوغورلاییب.
معلوماتا گؤره، بو، اوکراینادا محاربه باشلایان‌دان بو گونه قدر آلمانیا خاریجی ایشلر ناظیرینین اوکراینایا دؤردونجو سفری‌دیر.
