پسکوو: "ائرمنیستان-امریکا حربی مانورلاری ناراحاتلیق دوغورور"
پسکوو امریکانین خاریجی ایشلرن ناظیری آنتونی بلینکنین کیئوه سفری زامانی اوکراینایا یئنی یاردیم اعلان ائده بیلهجگی خبرینی دیرلندیریب.
روسیا پرزیدنتینین سؤزچوسو دمیتری پسکوو امریکانین اوکراینایا مالیه دستکینی داوام ائتدیرجگینی بیلدیرهرک، "ساواشی سون اوکراینالی قالانادهک هئچ بیر خرجدن ایمتینا ائتمهدن سون اوکراینالییا قدر داوام ائتدیرهجکلر" دئییب.
پسکوو امریکانین خاریجی ایشلرن ناظیری آنتونی بلینکنین کیئوه سفری زامانی اوکراینایا یئنی یاردیم اعلان ائده بیلهجگی خبرینی دیرلندیریب.
امریکانین کیئوه لازیم اولدوغو قدر کؤمک ائتمک نیتینده اولدوغونو دفعهلرله ائشیتدیکلرینی قئید ائدن پسکوو دئییب:
"باشقا سؤزله، اونلار (امریکا) فاکتیکی اولاراق محاربه آپاران اوکراینانی دستکلمهیه داوام ائدهجک و ساواشی سون اوکراینالی قالانادهک هئچ بیر خرجدن ایمتینا ائتمهدن داوام ائتدیرهجکلر. بو یاردیملار "خصوصی حربی عملیاتا" تأثیر ائتمهیهجک.
پسکوو ائرمنیستانین سپتامبرین 11-20-ده اؤز اراضیسینده امریکا ایله بیرگه "Eagle Partner 2023" مانورو کئچیرجگینی ده قیمتلندیریب.
"طبیعی کی، ایندیکی شرایطده بئله خبرلر خصوصیله ناراحاتلیق دوغورور. اونا گؤره ده بیز بو خبری دریندن تحلیل ائدیب وضعیتی ایزلیجییک" دئییب.
پسکوو سوریه-نین دوغوسونداکی دیرالزور بولگه سینده ترور تشکیلاتی پ.کا.کا/ی.پ.گ-نین تضییقی آلتینداکی عرب طایفهلاری ایله ترور تشکیلاتی آراسیندا 27 آوقوستدا باشلایان قارشیدورمالاردان دا دانیشاراق دئییب کی، روسیا سوریه-ده هله تام یئرینه یئتیریلمهین سوچی راضیلاشمالارینا رعایت ائتمکده داوام ائدیر. عینی زاماندا، روسیا سوریه-نین قانونی رهبرلیگینه اؤلکهده آساییشین برپاسیندا، ترورچو عنصورلارلا موباریزهده آردیجیل کؤمکلیک گؤسترمک خطینی داوام ائتدیریر.