رومانیا پرزیدنتی روسیایا رئاکسیا وئردی

رومانیا پرزیدنتی کلاوس ورنر یوهانیس روسیانین دانوب چایی اوزرینده‌کی لیمان‌لارا تشکیل ائتدیگی هوجوم‌لاری "حربی جینایت" آدلاندیریب.

رسمی اینترنت صحیفه‌سینده پای‌لاشیم ائدن کلاوس ورنر یوهانیس روسیانین دانوب چایی اوزرینده‌کی لیمان‌لارا ائتدیگی هوجومو پیسله‌ییب و بو وضعیتی "قبول ائدیلمز" آدلاندیریب.

هوجوم‌لاری "حربی جینایت" آدلان‌دیران کلاوس ورنر یوهانیس بیلدیریب کی، تاخیل انبارلارینا ائدیلن هوجوم‌لار اوکراینانین تاخیل محصول‌لارینا احتیاج دویان اؤلکه‌لره همین محصول‌لاری داشیماق ایمکان‌لارینا تأثیر ائدیب.

اوکراینانین توپلولوق لاری، اراضی‌لرین و آلت یاپی‌نین اینکیشافی ناظیری الکساندر کوباکوو بیلدیریب کی، روسیا اؤتن گئجه دانوب چایی اوزرینده‌کی لیمان‌لارا هوجوم ائدیب.

هوجوما معروض قالان لیمان‌لارین فوتولارینی پای‌لاشان آلکساندر کوبراکوو دئییب: "دونن گئجه راده‌لرینده روسیا ایرانین پیلوت سوزوچوش طیاره‌لری ایله بو لیمان‌لارا هوجوم ائتدی. بون‌لار بو گون قلوبال ارزاق تهلوکه‌سیزلیگی‌نین اساسینا چئوریلن لیمان‌لاردیر. روس‌لار انبارلارا و تاخیل سیلولارینا هوجوم ائده‌رک، افریقا اؤلکه‌لری، چین و ایسراییلین گؤزلدیگی 40 مین تونا یاخین تاخیلا زیان ووردو.

2022-جی ایلین 24 فوریه تاریخیندن اعتباراً داوام ائدن روسیا-اوکراینا محاربه‌سی‌نین قلوبال ارزاق قیمت‌لرینه تأثیرینی آزالتماق اوچون 2022-جی ایلین 22 جولای تاریخینده بمت، روسیا، تورکیه و اوکراینا آراسیندا قارا دنیز تاخیل تشببوسو سازیشی ایمضالانیب.

روسیا پرزیدنتی‌نین سؤزچوسو دمیتری پسکوو جولای‌ین 17-ده مدتی باشا چاتمیش موقاویله ایله باغلی آچیقلاما وئریب.

"تاخیل سازیشی فاکتیکی اولا‌راق دایاندیریلیب. مووافیق شرط‌لر یئرینه یئتیریلدیک‌دن سونرا روسیا درحال تاخیل سازیشی ایله باغلی سؤودلشمه‌یه قاییدا‌جاق. سازیشین روسیا ایله باغلی حیسه‌سی یئرینه یئتیریلمه‌ییب"،-دئیه دمیتری پسکوو قئید ائدیب.