ایران: خاریجی استخبارات سرویسلرینه ایشله‌ین بیر قروپو چؤکدوردوک

ایران، خاریجی استخبارات سرویسلریله امکداشلیق ائد‌ن بیر قروپو چؤکدوردوگونو و بوتون عضولرینی توتوقلادیغینی دویوردو.
ایران یارغی ارکینه باغلی میزان خبر آژانسی، ایران استخبارات باخانلیغینا دایاندیردیغی خبرین‌ده، خاریجی استخبارات سرویسلریله امکداشلیق ائد‌ن بیر قروپون چؤکدورولدوگونو بیلدیردی.
خبرده قروپون، یورد ایچی و یورددیشینداکی ایرانلیلارین بیلگیلرینه اریشمک ایسته‌یه‌ن دوشمن استخبارات سرویسینین "بؤیوک بیر پروژه‌‌سینین" پارچاسی اولدوغو ادعا ائدیلدی.
قروپون، ایرانلی مسئوللارا و اؤلکه‌نین حساس قوروملارین‌داکی اؤنملی بیلگیلره اریشیمی اولانلارا متمرکز اولدوغونو، اونلار حاقین‌داکی بیلگیلری الده ائتمک اوچون دؤولت قوروملارین‌داکی شخصلرله ده ارتباط قوردوغو ایفاده ائدیلدی.
خبرده، سؤز قونوسو شبکه‌نین باشینداکیلار باشدا اولماق اوزره بوتون عضولرینین عدلی مقاملارین امری ایله توتوقلاندیغی قید ائدیلدی.