ایران خاریجی ایشلر باخانلیغی سایتی هکلندی
"سوسیال مئدیادا خاریجی ایشلر باخانلیغینا عاید اولدوغو ایفاده ائدیله‌رک یاییملانان معلوماتلار ساختا و اساسسیزدیر"
ایران خاریجی ایشلر باخانلیغی سؤزچوسو ناصر کنعانی، باخانلیغین رسمی سایتینین هکلندیگینی ایفاده ائد‌رک، بلگه و دئیتا بئیزین اله گئچریلدیگینه دایر ادعالاری یالانلادی.
ایرانین رسمی خبر آژانسی ایرنایا گؤره، کنعانی، خاریجی ایشلر باخانلیغینین سایتینین هکلنمه‌سینه باغلی آچیقلاما وئردی.
سایتین آرا اوزونون سایبری سالدیرییا اوغرادیغینی ایفاده ائدن کنعانی، لازیم اولان تدبیرلرین آلیندیغینی، بوتون خیدمت سیستملرینین آکتیو اولاراق خالقین ایستیفاده‌سینه آچیلدیغینی قید ائتدی.
کنعانی،
"سوسیال مئدیادا خاریجی ایشلر باخانلیغینا عاید اولدوغو ایفاده ائدیله‌رک یاییملانان معلوماتلار ساختا و اساسسیزدیر. بو گون اولانلارلا (سایبری سالدیری) هئچ بیر ایلگیسی یوخ و یالنیز بیر مئدیا شیشیرتمه‌سین‌دن عبارت" دگرلندیرمه‌سینی وئردی.
ایران مئدیاسین‌دا یئر آلان خبرلره گؤره، خاریجی ایشلر باخانلیغینین اینترنت سایتی بیر هکر قروپونون سالدیریسی نتیجه‌سینده بیر مدت قاپالی قالدی.
سالدیرینی ائدن قروپ، باخانلیغین چوخ ساییدا گیزلی سندینی اله گئچردیگینی ایر‌لی سوردو.
اله گئچریلدیگی ایفاده ائدیله‌ن بیلگیلر آراسین‌دا کیملیک سندلری، باخانلیق یازیشمالاری، تلفن نؤمره‌لری و مینلرجه باخانلیق ایشله‌یه‌نینین لیستینین اولدغو ادعا ائدیلدی.
هکله‌نن سایتین آنا صحیفه‌سینده بیر مدت، اؤلکه‌ده ترور هؤرگوتو اولاراق قبول ائدیله‌ن خالقین موجاهیدلری هؤرگوتو لیدئرلرینین شکیللری ایله بیرلیک‌ده "خامنه‌ای‌یه اؤلوم، یاشاسین رجوی" ایفاده‌سی یئر آلدی.
"قیام تا سرنگونی" (دوشوره‌نه قدر قیام) آدلی هکر قروپو، داها اؤنجه ده ایسلام مدنیت و ارتباطات تشکیلاتینین اینترنت سایتینی هکله‌یه‌رک ۲۰۰ مین فایل و سند اله گئچردیگینی ادعا ائتمیشدی.
