یایر لاپید: "ایسرایل یاخین گله‌جکده آوروپانین مهم گاز تداروکچوسونه چئوریله‌جک"
ایسراییلین باش ناظیری یایر لاپید اؤلکه‌سی‌نین یاخین گله‌جکده آوروپانین ان مهم گاز تداروکچوسو اولاجاغینی بیلدیریب.
ایسراییلین باش ناظیری یایر لاپید اؤلکه‌سی‌نین یاخین گله‌جکده آوروپانین ان مهم گاز تداروکچوسو اولاجاغینی بیلدیریب.
ایسراییل باش ناظیرلیگی‌نین رسمی اینترنت سایتیندا یئر آلان معلوماتا گؤره، لاپید رسمی گؤروش‌لر کئچیرمک اوچون ایسراییله سفره گلن هوللاندیا باش ناظیری مارک روته ایله پایتاخت تل آویوده بیر آرایا گلیب.
ایسراییل باش ناظیری گؤروشدن اول وئردیگی بیاناتدا لوبنان ایله ایمضا‌لانا‌جاق دنیز سرحدی موقاویله‌سینه ایشاره ائده‌رک دئییب کی، جمعه آخشامی لوبنان ایله تاریخی موقاویله ایمضالایاجاغیق. ایسراییل یاخین گله‌جکده آوروپانین اساس گاز تداروکچوسو اولا‌جاق.
"ایسراییل یاخین گله‌جکده آوروپانین مهم قاز تداروکچوسونه چئوریله‌جک. بو آرادا "یاشیل" انرژی و برپا اولونان انرژی اوچون اورتا و اوزون مودتلی حل‌لر تاپماق اوچون بیرلیکده چالیشمالیییق"، - او دئییب.
گؤروش زامانی ایکی باش ناظیر ایقلیم و مصنوعی هوش دا داخیل اولماقلا موختلیف ساحه‌لرده ایکی طرف‌لی موناسیبت‌لرین یاخشیلاشدیریلماسی یول‌لارینی، همچنین ایسراییل و آوروپا آراسیندا انرژی امکداش‌لیغینی موذاکیره ائدیب‌لر.
ایران مسئله‌سینه و ایران-داکی اعتراضلارا دا توخونولان گؤروشده لاپید "اساس حاق‌لاری اوغروندا موباریزه آپاران ایران‌لی قادین‌لاری تقدیر ائتدیگینی" ایفاده ائدیب.
