اوکراینادا 12 میلیوندان چوخ اینسان دیدرگین دوشوب
روسیانین فوریه‌نین 24-ده اوکراینایا قارشی باشلادیغی ساواش نتیجه‌سینده 12 میلیوندان چوخ اینسان دیدرگین دوشوب.
روسیانین فوریه‌نین 24-ده اوکراینایا قارشی باشلادیغی ساواش نتیجه‌سینده 12 میلیوندان چوخ اینسان دیدرگین دوشوب.
اولوسلار آراسی کوچ تشکیلاتی‌نین باش مودیری آنتونیو ویتورینو بمت تهلوکه‌سیزلیک شوراسیندا کئچیردیگی بریفینقده روسیانین اوکراینایا هوجوم‌لاری شدت لندیقجه بؤیوک‌لرین و اوشاق‌لارین پسیکولوژی احتیاج‌لاری‌نین دا آرتاجاغینا دقت چکیب.
ویتورینو همچنین بیلدیریب کی، قادین و اوشاق‌لار اینسان آلوئری، زوراکی‌لیق و جینسی زوراکی‌لیق‌دان قورونما‌لی‌دیر.
اوکراینا‌داکی اوشاق‌لارین یاری‌دان چوخونون کؤچکون اولدوغونو بیلدیرن ویتورینو بو اوشاق‌لاری قبول ائدن اؤلکه‌لری یانیندا کیمسه‌سی اولونمایان‌لارین معین ائدیلمه‌سینده، اونلارین عائله‌لری و قوهوم‌لارینا قوووشدورولماسیندا یاردیم ائتمه‌یه چاغیریب.
قاچقین‌لارا قارشی آیری-سئچکی‌لیگه سون قویولماسینی طلب ائدن آنتونیو ویتورینو عیرقی، اتنیک منسوبیتی، میللیتی و یا کوچ ایستاتوسو اساسیندا آیری-سئچکیلیگین قبول ائدیلمز اولدوغونو بیلدیریب.
بمت-نین قاچقین‌لار عالی کمیسارلیغی‌نین رسمی‌سی کلی کلمنتز بیلدیریب کی، اوکراینا‌لی قاچقین‌لارین سایی 5 میلیونا یاخین‌دیر.
