بنت: ایرانی دوردورماق اوچون بیر پلان سوناجاغام
"باشقان بایدنه ایران‌لیلاری دوردورماغین واختینین چاتدیغینی، زامانی بیتمیش بیر نوکلئر آنلاشمایا یئنی‌دن گیره‌رک اونلاری قورتارماماسینی سؤیله‌یه‌جه‌یم"
اسرائیلین باش باخانی نفتالی بنت، ۲۶ آگوست‌دا آغ ائوده گؤروشمه‌لری سیراسیندا آمریکا پرزیدنتی جو بایدنه ایرانین نوکلئر چالیشمالارینی دوردورماق پلان سوناجاغینی بیلدیردی.
بنت، هفته‌لیک کابینه توپلانتیسین‌دان اؤنجه دانیشماسیندا، یئنی نسیل کوروناویروس (کووید-۱۹) سببیله کیچیک بیر هئیتله واشینگتونا گئدجگینی، ایرانین "حساس بیر نقطه‌ده" اولدوغونو بونون اوچون ده واشینگتون سفرینین زامانلاماسینین اؤنملی اولدوغونو سؤیله‌دی.
ایرانین اورانیوم زنگینلشدیرمه ایشلرین‌ده سرعتله ایرلیله‌دیگینی و تک بیر نوکلئر بومبا یاپیمی اوچون ایستیفاده ائدیله‌جک ماتریاللارین تدارکونا لازیم اولان واختی اؤنملی درجه‌ده قیسالتدیغینی ادعا ائدن بنت،
"باشقان بایدنه ایران‌لیلاری دوردورماغین واختینین چاتدیغینی، زامانی بیتمیش بیر نوکلئر آنلاشمایا یئنی‌دن گیره‌رک اونلاری قورتارماماسینی سؤیله‌یه‌جه‌یم" ایفاده‌سینی ایشلتدی.
بنت، بونون یانی سیرا بایدنه، ایران‌لیلارین هم نوکلئر ساحه‌ده، هم ده بؤلگه‌ده‌کی "سالدیرقانلیغینی" جیلوولاماق اوچون حاضیرلادیقلاری بیر پلان سوناجاغینی سؤزلرینه علاوه ائتدی.
