ابراهیم رئیسی ایله امانوئل ماکرون آراسیندا تلفون دانیشیغی اولوب
گؤروشده ایکی طرفلی علاقهلرله یاناشی آتوم موقاویلهسی اطریش-ین پایتاختی ویانادا آپاریلان دانیشیقلار و لوبنان-داکی وضعیت موذاکیره ائدیلیب.
ایرانین یئنی پرزیدنتی ابراهیم رئیسی فرانسالی همکاری امانوئل ماکرونلا "آتوم موقاویلهسی"نی دیرلندیریب.
ایران پرزیدنتلیگینین یازیلی آچیقلاماسینا گؤره، رئیسی ایله ماکرون آراسیندا تلفون دانیشیغی اولوب.
گؤروشده ایکی طرفلی علاقهلرله یاناشی آتوم موقاویلهسی اطریش-ین پایتاختی ویانادا آپاریلان دانیشیقلار و لوبنان-داکی وضعیت موذاکیره ائدیلیب.
امریکانین آتوم موقاویلهسیندهکی عهده لیکلرینی پوزدوغونو و آوروپا بیرلیگینین 3 اؤلکهسی اولان فرانسا، اینگیلتره و آلمانیانین وعدلرینه عمل ائتمهدیکلرینی سؤیلهین رئیسی بونلاری دئییب:
"آمریکالیلار تطبیق ائتدیکلری تحریم لر ایله عهده لیکلرینی آچیق شکیلده پوزدولار. اساس اینسانی محصوللارا دا تحریم لر تطبیق ائتدیلر. هم امریکا، هم ده آوروپا بیرلیگی اؤلکهلری آتوم آنلاشماسیندا گؤتوردوکلری عهده لیکلری یئرینه یئتیرمهلیدیرلر. کئچریلهجک هر دانیشیقدا ایرانین ماراقلاری تامین ائدیلمهلیدیر".
هیند اقیانوسونون قوزیی ینده بیر ایسراییل شیرکتینه عایید گمییه ائدیلن هوجوما دا توخونان رئیسی "ایران عمان دنیزی و بصره کؤرفزینده تهلوکهسیزلیگی تامین ائتمک مسئله سینده چوخ جدیدیر. اورادا تهلوکهسیزلیگی پوزانلارا مقاومت گؤسترهجک" ایفادهلردن ایستیفاده ائدیب.
لوبنان-داکی وضعیت ایله علاقهدار اولاراق ایسه رئیسی بو اؤلکه خالقینین ثابتلیگینه، تهلوکهسیزلیگینه و اقتصادی وضعیتینین یاخشیلاشماسینا کؤمک ائدهجک هر آددیمی دستکلهدیکلرینی و بو نقطهده فرانسانین امکداشلیغینی آلقیشلادیقلارینی دیله گتیریب.
فرانسا پرزیدنتی ماکرون دا رئیسینی یئنی وظیفهسی موناسیبتیله تبریک ائدیب.
ماکرون فرانسا و ایرانین بیرلیکده بؤلگهنین باریش و ثابیتلیگینده رول اوینایا بیلهجگینی و لوبنان-دا ثابیتلیگین اساسینی قویا بیلهجگینی سؤیلهییب.
ماکرون آتوم دانیشیقلارینین ویانادا برپاسینی ایستهدیکلرینی ده دیله گتیریب.