یمن-ده حوثی لر امریکا-یا عتراض ائدیبلر
یمن-ده ایرانین دستکلهدیگی حوثی طرفدارلاری امریکانین حوثی لری ترور سیاهیسینا داخیل ائتمه پلانینا پایتاخت صنعا-دا اعتراض ائدیبلر.
یمن-ده ایرانین دستکلهدیگی حوثی طرفدارلاری امریکانین حوثی لری ترور سیاهیسینا داخیل ائتمه پلانینا پایتاخت صنعا-دا اعتراض ائدیبلر.
نوماییشچیلر یمن-دهکی ساواشین باشلادیغی 2015-جی ایلدن بری باغلی اولان امریکا سفیرلیگینین قارشیسینا توپلاشیبلار.
واشنگتن رهبرلیگینین حوثی لری ترور سیاهیسینا سالما قرارینا قارشی شعارلار سسلندیرن نوماییشچیلر امریکا بایراغینی دا پارچالاییبلار.
نوماییشچیلر امریکانی "اؤلکهده محاربه باشلادیغیندان بری یمن خالقینی اؤلدورمکده" گوناهلاندیریبلار.
امریکا خاریجی ایشلر ناظیری مایک پمپئو ژانویهنین 11-ده وئردیگی آچیقلامادا حوثی لرین "خاریجی ترور تشکیلاتی" اعلان ائدیله جگینی آچیقلامیشدی و بو مسئله ده کنگره یه معلومات وئریلدیگینی اعلان ائتمیشدی.
پمپئو آیریجا، تشکیلاتین باشچیلاری عبدالملک الحوثی، عبدالخلیق بدرالدین حوثی و عبدالله یحیی حکیمین ده "ترورچو" اعلان ائدیله جگینی بیلدیرمیشدی.
اوزون مودتدیر سیاسی غیری-ثابیتلیگین حؤکم سوردوگو یمن-ده ایرانین دستکلهدیگی حوثی لرله حکومت قوهلری آراسیندا قارشیدورمالار یاشانیر.
حوثی لر 2014-جو ایلین سپتامبریندان بری پایتاخت صنعا و بعضی بؤلگهلره نظارتی اللرینده ساخلایارکن، سعودی عربیستانینین رهبرلیک ائتدیگی کوالیسیون قوهلری 2015-جی ایلین مارس آیییندان بری یمن حکومتینه دستک وئریر.
اؤلکهده تخمینن 6 ایلدیر داوام ائدن قارشیدورمالاردا مینلرله اینسان حیاتینی ایتیریب.