ایسرایل اردوسونون غزه-یه هوجومو نتیجه اولن لرین سایی 11 نفره چاتیب
ایسرایل اردوسونون محاصره آلتینداکی غزه زولاغینین قوزیی ینه تشکیل ائتدیگی هاوا هوجومو نتیجه سینده هلاک اولانلارین سایی 11 نفره چاتیب.
ایسرایل اردوسونون محاصره آلتینداکی غزه زولاغینین قوزیی ینه تشکیل ائتدیگی هاوا هوجومو نتیجه سینده هلاک اولانلارین سایی 11 نفره چاتیب.
بو بارده غزه ساغلیق ناظیرلیگیندن وئریلن معلوماتدا بیلدیریلیب. معلوماتدا قئید اولونوب کی، غزه زولاغینین دیر بلاح بؤلگه سینده بیر نفرین ده هلاک اولماسی ایله هلاک اولانلارین سایی 11 نفره یوکسلیب. معلوماتدا همچنین بیلدیریلیب کی، ایسرایلین هاوا هوجوملاری نتیجه سینده 45 نفر ده خسارت آلیب.
غزه-ده کی ساغلیق ناظیرلیگیندن دونن وئریلن آچیقلامادا ایسرایل اردوسو طرفیندن تشکیل ائدیلن هاوا هوجومو نتیجه سینده هلاک اولان 10 فیلیسطینلینین جنازسی ایله یارالانانلارین غزه-ده کی ایندونزیا خستهخاناسینا چاتدیریلدیغی قئید اولونموشدو.
دیگر طرفدن ایسرایل اردوسوندان وئریلن آچیقلامادا ایسه هوجوم زامانی ایسلامی جیهاد حرکاتینین غزه-ده کی عضولرینین هدف آلیندیغی بیلدیریلیب.
آچیقلامادا همچنین ایسلامی جیهاد حرکاتینین حربی قانادی اولان قودس گردان لارینین قوموتانی بها ابوالعطانین اولدوغو ائوه هوجوم تشکیل ائدیلدیگی، هوجوم نتیجه سینده بها ابوالعطا و حیات یولداشی اسما ابوالعطانین اؤلدورولدوگو بیلدیریلمیشدی.