منامه‌ده کئچیریله‌جک دنیز امنیتی ایجلاسینا ایسرائیل‌دن ده بیر هئیت قاتیلاجاق
خبره گؤره، بو گون باشلایا‌جاق و ایکی گون داوام ائده‌جک ذیرو‌ه‌نین آنا گوندم مادده‌سی "عمان کؤرفزینده ایران تهدیدی" اولا‌جاق
آمریکا رهبرلیگی کؤرفز اؤلکه‌لرین‌دن بحرین‌ین باشکندی منامه‌ده کئچیریله‌جک دنیز امنیتی ایجلاسینا ایسرائیل‌دن ده بیر هئیت قاتیلاجاق.
ایسرائیلین کانال 13 تلویزیونو‌نون آدلاری آچیقلانمایان خاریجی دیپلومات‌لارا اساسلان‌دیریلان خبرینده، بحرین ایله ایسرائیل آراسیندا دیپلوماتیک علاقه‌لرین اولمادیغی خاطیرلادیلا‌راق، تل-آویو رهبرلیگینی تمثیل ائدن رسمی نماینده هئیتی‌نین منامه‌دکی ایجلاسی قوشولماسی‌نین اولدوقجا اهمیت‌لی اولدوغونا وورغو کئچیریلیب.
خبره گؤره، بو گون باشلایا‌جاق و ایکی گون داوام ائده‌جک ذیرو‌ه‌نین آنا گوندم مادده‌سی "عمان کؤرفزینده ایران تهدیدی" اولا‌جاق.
آمریکانین رهبرلیگی آلتیندا کئچیریله‌جک ایجلاسدا ایسرائیلین یانیسیرا، سعودی عربیستانی، بیرلشمیش عرب امیرلیک‌لری، کویت و عمانی‌نین دا قاتیلاجاغی قئید اولونوب.
منامه‌دکی ایجلاسین لهستانین باشکندی ورشودا فورال آییندا کئچیریلن و ایسرائیل ایله بیر چوخ عرب اؤلکه‌سینی عینی ماسادا گؤروشدورن" اورتا دوغودا باریش و امنیتین گله‌جگینی دستکلمک" آدلی کونفرانسین داوامی اولدوغو دیله گتیریلیب.
ایسرائیل خاریجی ایشلر ناظیرلیگین‌دن کانال 13ه ائدیلن آچیقلامادا، خبر یایینمازکن سؤز قونوسو کونفرانسین "ورشو پروسه‌سی‌نین بیر پارچاسی" اولدوغو چاتدیریلیب.
