سوریه-ده رژیم قوه‌لری آغ فسفر بومباسیندان ایستیفاده ائتدی
بشار اسد رژیمینه عایید حربی بیرلیک‌لر ادلیب گرگینلیگی آزالتما بولگه سینه سلاح کیمی ایستیفاده‌سی قاداغان اولونموش آغ فسفر بومباسییلا هوجوم ائتدی.
بشار اسد رژیمینه عایید حربی بیرلیک‌لر ادلیب گرگینلیگی آزالتما بولگه سینه سلاح کیمی ایستیفاده‌سی قاداغان اولونموش آغ فسفر بومباسییلا هوجوم ائتدی.
ادلیب-ین سیویل مودافعه ایداره‌سی‌نین رئیسی مصطفی حاج یوسف حما ایالتی‌نین ابو دالی کندینه یئرلشمیش رژیم قوه‌لری‌نین و ایران دستک‌لی خاریجی تروریست قروپ‌لارین ادلیب-ین گونئی ینده کی طمانیه اراضی‌سینه آغ فسفر بومباسی ایله هوجوم ائتدیگینی سؤیله‌دی.
یوسیف: "ایکی دفعه هوجوم ائدیلدی. هر ایکی‌سینده ده آغ فسفر یوکلنمیش 40 بومبا آتیلدی. هله‌لیک اؤلو، و یا یارا‌لی‌لار باره‌سینده معلومات آلمامیشیق" دئیه دانیشدی.
آغ فسفرون سلاح اولاراق ایستیفاده‌سی اولوسلار آراسی ساواش قانون‌لارینا گؤره قاداغان‌دیر.
نفس یولو ایله کئچه‌رک اورقانیزمی زهرله‌ین فسفر یوکسک یانما رئاکسیاسی یارادا‌راق نفس دارلیغینا سبب اولور، بئینی، آغجیرلری جدی زدلییر و اؤلومله نتیجه‌لنیر.
طمانیه قصبه سی رژیم قوه‌لری‌نین ایلین اولیندن اعتباراً باشلادیغی شدتلی هوجوم‌لار سببیندن اساساً بوشالدیلیب.
بونا گؤره ده، ایتکی‌لرین اولماماسی احتیمالی وار.
رژیم آغ فسفر بومباسیندان ان سون 2018-جی ایلین مارس یندا دوغو غوطه ده ایستیفاده ائتمیشدی.
دیگر طرف‌دن رژیم قوه‌لری گون عرضینده ایدلیب-ین گونئی ینده کی لاتامنه، کفر زیتا و موریک قصبه‌لرینه ده توپ هوجوم‌لاری ائتدی.
اسد رژیمی و ایران‌دان دستک آلان تروریست قروپ‌لارین سوچی راضیلاشماسینی پوزا‌راق ادلیب گرگینلیگی آزالتما بولگه سینده کی یاشاییش منطقه‌لرینه بو ایلین اولیندن اعتباراً ائتدیک‌لری هاوا و قورو هوجوم‌لاریندا ان آزی 124 سیویل هلاک اولوب، 362- دن چوخو یارالانیب.
رژیم قوه‌لری تورکیه و روسیا آراسیندا ادلیب‌دکی آتشکه‌سی محکملندیرمک اوچون ایمضا‌لانان سوچی راضیلاشماسینا محل قویمور، هوجوم‌لارینا فاصیله‌لرله داوام ائدیر. قئید ائتمک لازیم‌دیر کی، آستانا راضیلاشماسی چرچیوه‌سینده اسد رژیمی‌نین ضمانتچی‌سی اولان روسیا رژیم هوجوم‌لاری‌نین قارشی‌سینی آلماق باره‌سینده عهده لیک گؤتوروب.
حربی موخالیف‌لر ایسه 17 سپتامبر 2018-جی ایلده ایمضا‌لانان سوچی راضیلاشماسیندا نظرده توتولان اراضی‌دن آغیر سلاح‌لارینی عینی ایلین 10 اوکتبر تاریخینده چیخاریب.
