عراق-دا کئچن آی 75 سیویل حیاتینی ایتیریب
عراق-دا کئچن آی "ترور، شدت و سیلاحلی توققوشمالاردا" 75 سیویل حیاتینی ایتیردی.
عراق-دا کئچن آی "ترور، شدت و سیلاحلی توققوشمالاردا" 75 سیویل حیاتینی ایتیردی.
بمت-نین عراق-ا یاردیم کمیسیونو (اونامی) طرفیندن یاییلان راپوردا بیلدیریلیب کی، عراق-دا سپتامبر آییندا ترور، شدت حادثهلری و سیلاحلی توققوشمالاردا 75 سیویل حیاتینی ایتیردی، 179 نفر ایسه یارالاندی. سیویل ایتکیلر ان چوخ باغداد، انبار و صلاح الدین شهرلرینده قئیده آلیندی. سپتامبر آییندا باغداددا 37، انباردا 15، صلاح الدین شهرینده ایسه 9 نفر سیویل حیاتینی ایتیردی.
عراق-دا آوقوست آییندا یاشانان ترور، شدت حادثهلری و توققوشمالاردا ایسه 90 سیویل اؤلدو، 117 نفر ایسه یارالاندی.
قئید ائدک کی، عراق-دا امریکانین 2003-جو ایلدکی ایشغالیندان بریدیر تقریباً هر گون یاشانان شدت حادثهلری ترور تشکیلاتی داعش-ین اؤلکهده اورتایا چیخماسی ایله جدی شکیلده آرتدی.
ترور تشکیلاتی داعش 10 ژوئن 2014-جو ایلده عراق-ین موصول ویلایتینی داها سونرا صلاح الدین و انباری اله کئچیرمیش، تهلوکهسیزلیک قوهلری، اولوسلار آراسی کوالیسیونون دستکی ایله 2017-جی ایلده بو شهرلرده بؤیوک نیسبتده نظارتی اله کئچیردی.
عراق-ین باش ناظیری حیدر العبادی 2017-جی ایل تاریخینده ترور تشکیلاتی داعش-ین حربی موجودلوغونون سونا چاتدیغینی اعلان ائتدی.
آنجاق ترور تشکیلاتی داعش عضوو تروریست لر خصوصیله کند بؤلگهلرینده و گئجه ساعتلاریندا سیویل لره قارشی هوجوملارینی داوام ائتدیریرلر.