حیدر العبادی، تورکیه ایله "بؤیوک ایش بیرلیگینین" داوام ائتمهسینی ایستدیکلرینی دئییب
حیدر العبادی، مطبوعات کونفرانسیندا، اؤلکهسینین قونشولاری ایله یاخشی علاقهلر قورماق ایستدیگینی، تورکیه ایله ده موناسیبتلرده آچیلیم یاشاندیغینی و اورتاق مسئلهلرده بؤیوک ایش بیرلیگی ایچریسینده اولدوقلارینی ایفاده ائتدی
عراق باش ناظیری حیدر العبادی، تورکیه ایله تیجارت، مرز کونتروللاری و نفت ایخراجی مسئلهلرینده اینکیشاف ائدن "بؤیوک ایش بیرلیگینین" داوام ائتمهسینی ایستدیکلرینی دئییب.
حیدر العبادی، باشکند بغداددا کئچیردیگی هفتهلیک مطبوعات کونفرانسیندا، اؤلکهسینین قونشولاری ایله یاخشی علاقهلر قورماق ایستدیگینی، تورکیه ایله ده موناسیبتلرده آچیلیم یاشاندیغینی و اورتاق مسئلهلرده بؤیوک ایش بیرلیگی ایچریسینده اولدوقلارینی ایفاده ائدهرک،
تورکیه ایله قارشیلیقلی تیجارت، مرز کونتروللاری و خصوصیله کرکوک و موصول نفت نقلیاتی دیگر بوتون ساحهلرده ایلیشکیلریمین داوام ائتمهسینی ایستییریک. جئیهان لیمانینا نفت داشییان بورو کمرینین تعمیری ده تئزلیکله تاماملاناجاق". دئدی.
عبادت، عراق کورد بؤلگهسل رهبرلیگی مامور معاشلارینی اؤز اؤزل اصوللاری ایله اؤدهیهجکلرینی قید ائدهرک،
معاشلارین سیاسی پارتیلر دئییل، وطنداشلارین الینه کئچمهسینی ایستییریک. عراق کورد بؤلگهسل رهبرلیگی، 2017 ایل ایچریسینده 7.5 میلیارد دولارلیق نفت ایخراج ائدیب. نفت و گؤمروکله مرز قاپیلاریندان الده ائتدیکلری گلیرلری هارا آپاردیقلارینی آچیقلاسینلار". دئیه دانیشدی.
داها اوّلکی چیخیشلاریندا تئز-تئز اوزرینده دوردوغو یاسا دیشی ایشلر ائدن دولت رسمیلرینین جزالاندیریلماسی سوالی اوزرینده باش ناظیر حیدر العبادی، "بو مسئلهده موباریزهمیز داوام ائدیر. بعضی شخصلر محکمه قراری ایله حبس اولوندو. یئنی بیر لیسته ده موجود. فتح یاخیندیر". ایفادهسینی ایستیفاده ائتدی.