بنی صدر، ایران مقاملاریندان ترامپ-ا مکتوب گؤندریلدیگینی سویله‌دی
ایرانین سابیق پرزیدنتی ابوالحسن بنی صدر آمریکا پرزیدنتی دونالد ترامپ-ا اؤلکه‌نین دینی لیدئری علی خامنه ای-دن سونرا ویلایت فقیه مقامینا عراق-داکی آیت الله علی سیستانی‌نین گتیریلمه‌سی ایله باغلی بیر مکتوب گؤندریلدیگینی ادعا ائتدی.
ایرانین سابیق پرزیدنتی ابوالحسن بنی صدر آمریکا پرزیدنتی دونالد ترامپ-ا اؤلکه‌نین دینی لیدئری علی خامنه ای-دن سونرا ویلایت فقیه مقامینا عراق-داکی آیت الله علی سیستانی‌نین گتیریلمه‌سی ایله باغلی بیر مکتوب گؤندریلدیگینی ادعا ائتدی.
رئژیم موخالیف‌لرینه یاخین‌لیغی ایله تانینان "ایران وایر" خبر سایتینا موصاحیبه وئرن بنی صدر: " ایران مقام لاری طرفین‌دن آمریکا پرزیدنتی ترامپ-ا خامنه ای خسته‌دیر، اؤلومو یاخین‌لاشدی. اگر آمریکا طرفین‌دن ایرانا تضییق اولماسا، اعتدال طرفدارلاری حاکمیتده قالا بیلرلر. بئله‌لیکله، عراق-داکی آیت الله سیستانینی خامنه‌ای-نین یئرینه گتیرمه‌یی مومکون‌لش‌دیره‌جک شکلینده بیر مکتوب گؤندریلدی" دئدی.
ایرانا تطبیق ائدیله‌جک تحریم لر ایله باغلی آمریکا کنگره سینده سس وئرمه‌نین ایران-دا مایین 19-دا کئچیریله‌جک پرزیدنت سئچکی‌لرین‌دن سونرایا ارته‌لنمه‌سینین بو معلوماتی تصدیقلدیگی فیکرینی ایره‌لی سورن بنی صدر:"خمینی‌نین حیاتی‌نین سون گون‌لرینده رونالد ریگان-ا دا بئله مکتوب گؤندریلمیشدی" دئیه دانیشدی.
بنی صدر خامنه ای-دن سونرا اولا بیله‌جک آدلارلا باغلی سوا‌لی بئله جاوابلاندیردی: " آنایاسا شرط‌لرینه اویغون گلن بیر نئچه شخص وار. بیری خامنه ای-نین اوغلو مجتبی دیر. دیگرلری ابراهیم رئیسی و صادق لاریجانی‌دیر. لاریجانی‌نین حاقیندا بو گون‌لرده یولسوزلوق ادعا‌لاری وار. بو سبب‌دن اونون اولماسی مومکون گؤرونمور. بیر ده آیت الله محمود شاهرودی‌دیر. اودا خبرنگان مجلیسی باشقانلیق سئچکیلرینده سس آلا بیلمه‌دی. سپاه پاسداران-نین اونونلا آراسی یاخشی دئییل. اما منیم اساس اومیدیم "ویلایت فقیه" دوشونجه سینین نظری اولاراق اؤلموش اولماسی‌دیر. پراتیک اولاراق دا اؤلدو. چونکی آرتیق هئچ کیم اینانمیر. یالنیز شدتی قانونی‌لش‌دیرمک اوچون بیر واسطه اولاراق قالدی. ایستیفاده ائدیلدیگی یگانه ساحه بوبور".
بنی صدر ایران-دا 19 مای-دا کئچیریله‌جک پرزیدنت سئچکیلرینده محافظه کار طبقه‌نین نامیزدی اولاراق ایره‌لی سورولن کئچمیش باش ساووجی ابراهیم رئیسی‌نی "اعدام حؤکمو وئرمه ماشینی" کیمی سجیلندیردی.
ایرانین اینقیلاب‌دان سونرا ایلک پرزیدنتی اولان بنی صدر ایران اینقیلابی‌نین لیدئری آیت الله خمینی حاقیندا دا ماراق‌لی آچیقلاما‌لار وئردی.
بنی صدر خمینی‌نین فرانسادا سورگونده وئردیگی سؤزلر ایله ایرانا قاییتتیق‌دان سونرا تطبیق ائتدیک‌لری‌نین بیر-بیرینه اویغون گلمدیگینی بیلدیردی.
