ایران یئنی بیر موشک سینادی
ساوونما باخانی، دنیز قوه‌لری طرفین‌دن اؤلکه‌نین گونئی سولاریندا داوام ائدن "ولایت 95" آدلی مانور چرچیوه‌سینده یئنی بیر دنیز کروز موشکینی اوغورلا سینادیق‌لارینی آچیقلادی
ایران، اؤلکه‌نین گونئی سولاریندا یئریتدیگی حربی مانوردا یئنی بیر موشک سیناغینی باشاری ایله گرچکلشدیردیگینی بیلدیردی.
ساوونما باخانی حسین دهقان، دنیز قوه‌لری طرفین‌دن اؤلکه‌نین گونئی سولاریندا داوام ائدن "ولایت 95" آدلی مانور چرچیوه‌سینده یئنی بیر دنیز کروز موشکینی اوغورلا سینادیق‌لارینی آچیقلادی.
یئرلی ایمکان‌لارلا اوره‌تیلن نصیر آدلی موشکین آتیلدیقدان سونرا باشاری ایله هدفه اصابت ائتدیگینی سؤیله‌ین ایران‌لی باخان، موشکین منزی‌لی و باشقا اؤزللیکلری حاقیندا معلومات وئرمه‌دی.
دونن باشلایان مانور، هرمز بوغازی، عمان دنیزی و هیند اقیانوسونو احاطه ائدن بیر ساحه‌ده چرشنبه گونونه قدر داوام ائده‌جک.
آمریکا، ایرانین سون زامان‌لاردا ائتدیگی موشک سیناق‌لارینی تپکی ایله قارشیلاییر.
واشینگتون، ایرانین بالیستیک موشک سیناق‌لارینی سبب گؤستره‌رک 3 فوریه‌ده بعضی ایران‌لی شیرکت و شخص‌لر حاقیندا تحریم قراری آلدی.
تهران دا قارشیلیق اولاراق ترورا دستک وئرن بعضی آمریکا‌لی شیرکت و شخص‌لره تحریم قویاجاغینی آچیقلادی.
