ایران، اعتراضلارین ائتنیک اؤزللیک قازانماسیندان قایغیلی
ایران اینقیلاب گؤزتچی‌لری‌نین دوردورماق‌دا چتین‌لیک چئکدیگی گؤستری‌لرده، اینقیلاب گؤزتچی‌لرینه عاید بیر قرارگاه آتشه وئریلدی
ایرانین ایستراتژیک اولاراق ان اؤنم‌لی شهرلرین‌دن، بؤیوک نفت یاتاق‌لاری‌نین اولدوغو اهواز شهرینده ایران رژیمینه قارشی گؤستریلر یئددینجی گونونو دولدوردو.
بیر میلیون عرب کؤکن‌لی‌‌نین یاشادیغی بؤلگه‌ده رژیم، اعتراضلارین ائتنیک بیر اؤزللیک قازانماسیندان راحاتسیز.
خوزستان ویلایتینده 500 مین ایله بیر میلیون آراسی عربین یاشادیغی دوشونولور.
ایران اینقیلاب گؤزتچی‌لری‌نین دوردورماق‌دا چتین‌لیک چئکدیگی گؤستری‌لرده، اینقیلاب گؤزتچی‌لرینه عاید بیر قرارگاه آتشه وئریلدی، اونلارجا اینقیلاب گؤزتچی‌سی خالق طرفین‌دن لینج ائدیلدی.
حادثه‌لرین بؤیومه‌سی اوزرینه بؤلگه‌ده اینترنت کسیلدی و والیلیک قارشی‌سیندا گؤستریلر قاداغان ائدیلدی. گوونلیک گوج‌لری‌نین گؤستری‌لره مداخیله‌سی سیراسیندا بیر گؤستریچی‌نین حیاتینی ایتیردیگی بیلدیریلیر.
اینقیلاب گؤزتچی‌لری‌نین خالق طرفین‌دن لینج ائدیلمه‌سی‌نین آردین‌دان پرزیدنت حسن روحانی، بؤلگه والی‌سی و ایچ ایشلری باخانییلا عاجل بیر ییغینجاق تشکیل ائتدی.
ایرانین دینی لیدئری علی خامنه‌ای ده، حکومتین عاجل اولاراق بؤلگه ایله ماراقلانماسی لازیم اولدوغونو سؤیله‌دی.
گؤستری‌لرین بؤیومه‌سی‌نین آردین‌دان اینقیلاب گؤزتچی‌لری، گوونلیک نقطه‌لرینه یاخین‌لاشان‌لارین توتوقلاناجاغینی آچیقلادی. ایران‌لی یئتکی‌لی‌لر، گئده‌رک بؤیوین گؤستری‌لرین ایجازه‌سیز اولدوغونو بیلدیردی. ایران دؤولت تلویزیونوندا ایسه گؤستری‌لره باغلی سس‌سیزلیک گؤزه دییر.
