ایران، ایسلام اینقیلابی‌نین 38ینجی ایلدؤنومونو، مراسیم‌لرله قوتلاندی
گؤستریچی‌لر، آمریکا پرزیدنتی دونالد ترامپین قولچاق‌لارینی دا داشیدی
ایران، ایسلام اینقیلابی‌نین 38ینجی ایلدؤنومونو، مراسیم‌لرله قوتلاندی.
باشکند تهران‌داکی آزادی میدانیندا یوز مین‌لرله اینسان توپلاندی.
کوتله‌نین آتدیغی 'آمریکایا اؤلوم شعارلاری دقت چکدی.
گؤستریچی‌لر، آمریکا پرزیدنتی دونالد ترامپین قولچاق‌لارینی دا داشیدی.
ایران پرزیدنتی حسن روحانی، دولت تلویزیون‌دان ائتدیگی آچیقلامادا، اینقیلابین 38ینجی ایلدؤنومونو قوتلایان میتینق‌لر، آغ ائودن گلن ایران علیهداری سؤزلره "جواب" اولدوغونو ایفاده ائتدی.
روحانی،
"ایرانا و ایرانلیلارا حؤرمت ائتمگی اؤیرنمه‌لی‌دیرلر. ساواش چیغیرتقانی سیاست‌لره قارشی قویاجاغیق" ایفاده‌لرینی ایستیفاده ائتدی.
ایران‌لی لیدر؛
"آمریکادا و بؤلگه‌دکی بعضی تجروبه‌سیز فیگورلار، ایرانی تهدید ائدیر. تهدید دیلی‌نین ایران اوزرینده اصلا ایشه یارامایاجاغینی بیلمه‌لری گرک" دئیه دانیشدی.
آمریکا پرزیدنتی دونالد ترامپ، مقامینا اوتوردوغو 20 ژانویه‌دن بو یانا، ایران موضوعسوندا آغیر بیر خط ایزلمیش و تهران رهبرلیگی‌نین "اودلا اوینادیغی" ایفاده‌سینی ایستیفاده ائتمیشدی.
دینی لیدر آیت الله علی خامنه‌ای، چرشنبه گونو ائتدیگی آچیقلامادا، ترامپین سؤزلرینه اعتراض گؤستره‌رک، ایران خالقی‌نین جمعه گونو (10 فوریه) آغ ائوه بؤیوک میتینق‌لر تشکیل ائده‌رک جواب وئرجگینی سؤیلمیشدی.
