ایران: دونالد ترامپ 5 + 1 اؤلکه‌لری ایله ائدیلن نوکلئر آنلاشما موضوعسوندا یانیلیر
روحانی، آنلاشمانین، بؤلگه‌دکی تضییقی سالماق اوچون سیچراما تاختاسی اولاراق ایستیفاده ائدیله بیله‌جگینی ایفاده ائتدی
ایران پرزیدنتی حسن روحانی، آمریکا پرزیدنتی دونالد ترامپین، 5 + 1 اؤلکه‌لری ایله 2015-جی ایلده ائدیلن نوکلئر آنلاشما موضوعسوندا یانیلدیغینی سؤیله‌دی.
روحانی، دولت تلویزیونوندا جان‌لی یاییم‌لانان چیخیشیندا، ترامپین دوشوندوگونون عکسینه، ایران ایله اولان نوکلئر آنلاشمانین، ایکی طرفین ده خیرینه، 'قازان-قازان "بیر آنلاشما اولدوغونو ایفاده ائتدی.
روحانی، آنلاشمانین، بؤلگه‌دکی تضییقی سالماق اوچون سیچراما تاختاسی اولاراق ایستیفاده ائدیله بیله‌جگینی ایفاده ائتدی.
ایران پرزیدنتی،
"یئنی آمریکا پرزیدنتی نوکلئر آنلاشمانین متنینی اوخویور آنجاق قبول ائده بیلمیر. او بونون تاریخ‌دکی ان پیس آنلاشما اولدوغونو سؤیله‌ییر. بو قازان-قازان بیر آنلاشما. نوکلئر دانیشیق‌لار بؤلگه‌یه امنیتی و ثابت‌لیگی گتیرمه هدفیلی دیگر دانیشیق‌لارا اؤرنک تشکیل ائده بیلر" دئیه دانیشدی.
ایرانین دینی لیدری آیت الله علی خامنه‌ای ده، ترامپین "آمریکانین گئرچک اوزونو گؤستردیگینی" سؤیله‌دی.
خامنه‌ای‌نین اینترنت سایتیندا یئر آلان آچیقلامایا گؤره، ایرانین دینی لیدری، باشکند تهراندا اوردو قوموتانلاری ایله بیر آرایا گلدیگینده ائتدیگی دانیشمادا،
"ترامپ، ایرانین آمریکا رهبرلیگین‌دکی کورلانما حاقیندا 30 ایلدن اوزون مدت‌دیر سؤیلدیک‌لرینی ثبوت ائدیر" ایفاده‌لرینی ایستیفاده ائتدی.
'هئچ بیر دوشمن ایران میلتینی فلیج ائده بیلمز "دئین خامنه‌ای، ترامپی نظرده توتا‌راق،
"او" من‌دن قورخما‌لی‌دیر 'دئییر. خیر. ایران خالقی اونون سؤزلرینه 10 فوریه‌ده (ایران اینقیلابی‌نین ایلدؤنومو) جواب وئره‌جک و بو تهدیدلره قارشی دوروشونو گؤستره‌جک "دئدی.
2015دکی آنلاشما ایله ایرانین نوکلئر پروقرامیندا محدودیته گئتمه‌سی قارشیلیغیندا بو اؤلکه‌یه تطبیق اولونان تحریم‌لرین مرحله‌لی اولاراق قالدیریلماسیندا اوزلاشیلمیشدی.
روسیا، چین و آوروپا اؤلکه‌لری آنلاشمانین موجود حالی‌نین قورونماسینی ایستیرکن، ایسرائیل باش ناظیری بنیامین نتانیاهو و ترامپ، آنلاشماغا ایرانا ایستیقامت‌لی داها آغیر تدبیرلرین داخیل ائدیلمه‌سینی ساوونور.
ایکی لیدرین 15 فوریه‌ده ائده‌جگی ایکیطرف‌لی گؤروشمه‌ده ده موضوعنو اله آلماسی گؤزلنیلیر.
