تورکیه، روسیا وایراندان اورتاق بیلدیری
بیلدیری متنینه گؤره، روسیا، تورکیه و ایران سوریه‌داکی آتشکسین کنترل ائدیلمه‌سی اوچون اوچلو بیر مکانیزم قورماغا قرار وئردی
قازاقیستانین باشکندی آستاناداکی سوریه دانیشیق‌لاری‌نین ضامن اؤلکه‌لری تورکیه، روسیا و ایران، سوریه‌ده آتیشکسین کنترل ائدیلمه‌سی اوچون اوچلو بیر مکانیزم یارادیلماسینا قرار وئردی.
سوریه باریش دانیشیق‌لاری نتیجه‌سینده اوچ اؤلکه‌نین قبول ائتدیگی بیرگه بیلدیری قازاقیستان خاریجی ایشلر باخانی کایرات عبدلرحمانوو طرفین‌دن اوخوندو.
بیلدیری متنینه گؤره، روسیا، تورکیه و ایران سوریه‌داکی آتشکسین کنترل ائدیلمه‌سی اوچون اوچلو بیر مکانیزم قورماغا قرار وئردی.
بونونلا، ساحه‌دکی آتیشکس اورتامی‌نین ایزلنمه‌سی و اونون ایجراسی‌نین تامین ائدیلمه‌سی اؤن گؤرولور.
سوریه‌دکی بحرانین حربی بیر حلی‌نین اولمادیغی‌نی وورغولایان اوچ ضامن اؤلکه، اولوسلارآراسی توپلومو، بیرلشمیش میللت‌لر تشکیلاتی‌نین امنیت شوراسی‌نین 2254 سایی‌لی قرارینداکی آددیم‌لارین حیاتا گئچیریلمه‌سی اوچون سوریه‌دکی سیاسی پروسه‌نی دستکلمه‌یه چاغیردی.
تورکیه، روسیا و ایرانین، مخالیف قروپ‌لارین ژنو شهرین‌دکی گؤروشمه‌لرینه قوشولما ایسته‌گینی دستکلدیگی ایفاده ائدیلن بیلدیریده، اوچ ضامن اؤلکه‌نین سوریه‌دکی سلاح‌لی مخالیف‌لرین تروریست قروپ‌لاردان آیریلماسی‌نین ضروری اولدوغو قید ائدیلدی.
بون‌لارا علاوه اولاراق اوچ اؤلکه، سوریه‌نین مستقیل‌لیگینه و تورپاق بوتؤو‌لوگونه باغ‌لی اولدوقلارینی تکرارلادی.
اوچ ضامن اؤلکه‌نین سوریه‌ده تروریزمله اورتاق مباریزه ائتمه‌یه حاضر اولدوغو دا ایفاده ائدیلن بیانات متنینده، آستانا ایسه 'سوریه‌لی طرف‌لرین دیالوگ قورماسی اوچون ائتکیلی بیر پلاتفورم' اولاراق دگرلندیریلدی.
