چوخ سایدا کند ترور تشکیلاتی داعشدن تمیزلندی
الانبار و صلاح الدین ولایت لرینده آپاریلان عملیاتلاردا چوخ سایدا کندین ترور تشکیلاتی داعشدن تمیزلندیگی بیلدیریلدی.
الانبار و صلاح الدین ولایت لرینده آپاریلان عملیاتلاردا چوخ سایدا کندین ترور تشکیلاتی داعشدن تمیزلندیگی بیلدیریلدی.
عیراق قوهلری ایله عشیرت میلیسلرینین الانبار و صلاح الدین ولایت لرینده آپاریلان عملیاتلاردا چوخ سایدا کندین ترور تشکیلاتی داعشدن تمیزلدیگی بیلدیریلدی.
الانبارداکی "ال-جزیره" عملیاتینین قوماندانلاریندان ژنرال قاسم ال محمدی آنادولو خبر آژانسینا وئردیگی آچیقلامادا عیراق قوهلری و عشیرت میلیسلرینین البغدادی قصبهسینین شیمالینداکی چوخ سایدا کندی داعشدن تمیزلدیگینی سؤیلهدی.
محمدی عملیاتدا داعش عضوو بعضی تروریست لرین اؤلدوگونو، ایکی ماشینینین سیرادان چیخاریلدیغینی، 213 بومبانین ضررسیزلشدیریلدیگینی ده بیلدیردی.
صلاح الدین شهرینده حیاتا کئچیرن عملیاتدا ایشتیراک ائدن عیراق پولیس ایدارهسیندن ظابطلریندن صلاح الدین ویلایتینده داعشین سون قالالاریندان الشرقات شهرینین اطراف اراضیلرینین گئری آلیندیغینی ایفاده ائتدی. عملیات نتیجهسینده عیراق عسگرلریندن بیرینین اؤلدوگو، 6-نین یارالاندیغی بیلدیریلدی.
دیگر طرفدن پایتاخت باغدادین ال محمودیه قصبهسی، ابو دوشیر محلهسی و ال بییا بؤلگهسینده تؤرهدیلن بومبالی هوجوملاردا بیری پولیس 4 نفر حیاتینی ایتیریب، 5-ی پولیس 17 نفر یارالاندی.
هوجومون مسئولیتینی اوزرینه گؤتورن اولمادی.