آمریکا و ایران خاریجی ایشلر ناظیرلری آلماندا گؤروشدو
ایکی اؤلکه خاریجی ایشلر ناظیرلری جمعه گونوندن بو یانا ایکینجی دفعه بیر آرایا گلدی
آلمانین مونیخ شهرینده بو ایل 51ینجیسی تشکیل ائدیلن گوونلیک کونفرانسیندا ایرانین نوکلئر فعالیتلری ایله علاقهدار دانیشیقلار گونه دامغاسینی ووردو.
گؤزلر، آمریکا و ایران خاریجی ایشلر ناظیرلرینین گؤروشمهسیندئیدی.
ایکی اؤلکه خاریجی ایشلر ناظیرلری جمعه گونوندن بو یانا ایکینجی دفعه بیر آرایا گلدی.
ایران و آمریکا خاریجی ایشلر ناظیرلرینین 1.5 ساعات داوام ائدن تک به تک گؤروشمهسی مثبت هاوادا کئچدی.
آمریکان خاریجی ایشلر ناظیرلیگیندن ائدیلن آچیقلامادا دا، دانیشیقلارین مارس آییندا یئکون نتیجهیه چاتیلماسی موضوعسوندا ایران طرفینه تلقین بولونولدوغو ایفاده ائدیلدی.
ایران خاریجی ایشلر ناظیری جواد ظریف، مذاکیرهلرین نتیجهیه چاتماسی موضوعسوندا معین بیر مرحلهیه گلدیکلرینه ایناندیغینی سؤیلهدی.
آنجاق، ایرانین دینی لیدری گؤروشمهیه تمکینلی یاخینلاشماغی سئچیر.
آیت اهلد علی خامنه ای، "سازیشه چاتیلماسینی قبول ائدیرم، آنجاق پیس بیر آنلاشمانی قبول ائتمهیهجهیم. آنلاشما اولماماماسی، خالقین ماراقلاری ایله ضدیت تشکیل ائدن بیر راضیلاشمادان داها یاخشیدیر" دئدی.
خامنهای، غرب ایله نوکلئر مذاکیرهلره داوام ائدیلمهسینی دیلدیکلرینی ده علاوه ائتدی.
دانیشیقلارین مثبت هاوادا کئچمهسی ایسرائیلی ناراحات ائتمیش گؤرونور.
هفتهلیک کابینه توپلانتیسیندا آچیقلامالاردا اولان ایسرائیل باش ناظیری بنیامین نتانیاهو، "ایسرائیل دولتینین گلهجگی اوزرینه قورو بیر بولود کیمی چؤکهجک هر هانسی بیر آنلاشمانی قارشیسینی آلماق اوچون الیمیزدن گلنی ائدجگیک" دئدی.