Türkiyä häm Süriyäneñ cir teträw yaraların beterü öçen 7 milliard yarım dollar cıyıldı
Yärdämläşü wägdäläre cirenä citkerelä...
Awrupa Komissiyase oyıştırğan cir teträw xäyriyäçeläre konferenŝiyase öçen maqsat şuşı ide.
Quyılğan bu maqsat häm kübräge başqarıldı.
Türkiyä ilbaşı Räcäp Tayyip Ärdoğan: "Bu konferenŝiya xalıqlarıbız arasındağı mönäsäbätlärneñ ni qadär nıqlı nigezlärgä bäyle buluın kürsätä. Bu konferenŝiya yärdämendä başqarılaçaq yärdämnär yaralarnı beterügä, afätlärneñ êzen yuqqa çığaruğa öleş kertäçäk. Düşämbe könne yasalğan yärdäm çaqıruına yözlärçä il, xalıqara oyışma, gumanitar yärdäm törkeme häm finans oyışması qolaq saldı."
Türkiyä tışqı êşlär ministrı Mäwlüt Çavuşoğlu: "Bu - ozın yulnıñ berençe adımı bulıp tora. Bezne kötüçe wazifa bik zur. Zıyan häm yuğaltularnıñ ğına yaqınça 103,6 milliard dollar buluı farazlana."
Yärdämnär 2 sägät'tän artıq däwam itte.
Awrupa Berlege Komissiyase başlığı Ursula fon der Lyayen: "Awrupa Komissiyaseneñ Türkiyägä zilzilädän soñ qabat tözekländerü êşläre öçen 1 milliard yevrolık yärdäm kürsätäçägen açıqlawıma bik şat min. Şulay uq gumanitar yärdämnär häm Süriyäneñ tiz arada tözekländerelüe öçen 108 million yevrolık tağın ber paket belän täêmin itäbez."
Barlığı isä 7 milliard yarım dollar cıyıldı.
Melinda Nucifora: "Bryussel' citäkçelege Türkiyä, Dön'ya bankı häm BMO kiñäşe belän yärdämnärne cıyu öçen maxsus fond qoraçağın belderde. Türkiyä bu räweşle çığımnarnıñ ütä kürenmäle bulaçağın, yärdäm kürsätkän il belän oyışmalar tarafınnan tikşerelä alınaçağın açıqladı.
"Bügen başqarılğan yärdäm yöklämäläre här ildä här keşe awır xäldä qalğanda ixtıyac toyğan kiräkle närsäne täêmin itte: ul da bulsa - ömet. Bu ömet - keşe däräcäse häm tormışnıñ qabat tözep bula alaçağına qarağan ömet. Yökne büleşkän waqıtta êşlär qulaylaşır."
Melinda Nucifora, TRT World, Bryussel'
