Süriyä draması: 8 yıldan soñ betkän äni häm ulınıñ xäsräte
Ğomereneñ başında suğış belän tanışqan, ğailälärennän ayırılğan balalar.
Adnan da alardan berse:
"Törek xalqı, törek milläte bezneñ yanıbızda torğan berdänber xalıq. Bezne yaqlawçı berdänber xalıq. Bez ğaräp bulsaq ta, ğäräplär bezneñ yanıbızda tormadı. Barı tik törek xalqı ğına bezneñ yanıbızda tordı, yärdäm itte. Bezneñ närsä xis itüebezne, rejimnan häm Äsädtän, xärbi cinayätlärdän bez çikkän ğazaplarnı añlawçı berdänber xalıq. Törek xalqı bezneñ öçen borçılğan berdänber xalıq. Bez räxmät äytäbez. Süriyälelär bularaq bez räxmätle. Bar köçe belän bezgä bulışqan, yaqlağan häm bälki dä tağın da kübräk xärbi cinayätkä kirtä bulğan İlbaşı Räcäp Tayyip Ärdoğanğa räxmätle bez."
Adnan sänğäte belän ömetne yäşätü öçen ilendä qaldı. Änisen saqlaw öçen Törkiyägä cibärde.
Talantlı qulları belän suğışqa qarşı sänğät diyüçe Adnan maxsus konśert öçen Törkiyägä kilde. 8 yıl kürmägän änisenä syurpriz yasaw öçen.
"Äniyemneñ kiläçägen belsäm dä bu minem öçen beraz syurpriz. Närsä äytäçägemne, niçek açıqlayaçağımnı kemgä räxmät äytäçägemne belmim. Bügen minem öçen bik möhim kön. Äniyemne küräçäkmen.Yunıs Ämrä institutı çarasınıñ ber öleşe buludan ğorurlıq toyam."
Äni Xämidä äl-Äsmär berni belmiçä yulğa çıqtı:
"Zalğa kergäç bik ğacäpländem. Min üz xisläremne taswirlıy almıym. Bigräk tä canımnan da qimmätle ulımnı kürgän mizgeldä. Bu mizgel çınlap da taswirlana alınmıy. Yıllardan birle kürmi idem. Allah sezdän razıy bulsın".
Yunıs Ämrä institutınıñ aradaşçılığı belän 8 yıldan soñ balasına qawıştı.
