Бeрлиндa мәчeткә пoлиция тeнтүe - Berlinda mäçetkä poliśiya tentüe
Germaniya başqalası Berlinda urnaşqan Mäwlana mäçetenä irtänge namaz waqıtında küp sanda poliśiya xezmätkäre belän tentü ütkärelde.
Tentügä Törkiyädän ber-ber artlı reakśiya yasaldı.
İlbaşı urınbasarı Fuat Oktay mäçetkä poliśiya tentüen gäyepläde. Sośial’ media akkauntınnan yasağan belderüendä Berlin prokuraturasın häm poliśiyasın ğafu ütenergä çaqırdı:
“Tikşerep tormıyça häm çamasız räweştä irtänge namaz waqıtında Berlin Mäwlana mäçetenä yasalğan poliśiya tentüen kisken räweştä gäyeplim. Berlin prokuraturası häm poliśiyası şuşı totışı arqasında möselman cämğıyätennän ğafu ütenergä tiyeş”.
Tentügä Tışqı êşlär ministrlığı da kisken reakśiyasın belderde.
Ministrlıqtan yasalğan yazma belderüdä cämäğätçelek irtänge namaz öçen cıyılğan waqıtta, finans mäs’äläsendä alıp barılğan tikşerü säbäp itep kürsätelep, küp sanda poliśiya xezmätkäre belän mäçetkä yasalğan tentüneñ “qabul itelä alınmaslıq” buluına basım yasaldı.
Belderüdä: “Poliśiyanıñ tentü sıltawı belän mäçet êçendä ayaq kiyeme belän yörüe häm ğıybadätxanäne pıçratuı berniçek tä aqlanırlıq tügel”, - dip äytelde.
Berlin poliśiyasınıñ mäçet tentüenä qarata reakśiya Diyanät êşläre başlığı Ali Ärbaştan ta yasaldı. Sośial’ media akkauntınnan tentüne gäyepläwçe Ärbaş: “Sizgerleklärebez häm izge bulğannarıbız sanğa suğılmadı”, - dip äytte. Awrupada İslam doşmanlığı nigezendä buldırılğan näfrät teleneñ räsmi organnar tarafınnan da yaqlanıluına iğ’tibarnı yünältüçe Ärbaş möselmannarğa qarata yasalğan şuşı diskriminaśion häm xörmätsez möğamäläneñ hiçber sıltaw belän qabul itelä alınmayaçağın assızıqladı.
