Aziyädä xezmättäşlek häm ışanıç arttıruçı çaralar konferenśiyası
Yäş’ ber başqala êlekke doşmannar häm yaña duslar arasında cıyılış ütkärü öçen yaraşlı nigez äzerli.
Astana bu atnada AİGK bularaq ta belengän Aziyädä xezmättäşlek häm ışanıç arttıruçı çaralar konferenśiyasınıñ 6nçı tapqır oyıştırılğan liderlar sammitın qabul itä.
Xökümätlär arasında buldırılğan bu forum kübeseneñ êlek ber-berse belän tartqalaşuı bulğan 27 Aziya ilen cıya.
Läkin konferenśiya uzğan çorlarda yäşängän kiyırenkeleklärne çitkä quyıp torıp, regional xezmättäşlekkä häm totrıqlılıqqa yünälüne maqsat itä.
Yaşar Sarı, Abant İzzät Baysal universitetı:
"Misırdan Koreyağa qadär böten Aziya illäre AİGKneñ çolğap alğan töbäktäge bäreleşlärne totqarlaw maqsatınnan çığıp ışanıç arttıruçı çaralarnıñ buldırıluı öçen tırışlıq sarıf itä."
Rusiyä xäzerge waqıtta AİGK äğ’zase, Ukraina isä küzätüçe il.
Ukrainadağı bäreleşlär sigezençe ayğa kergän çaqta, Türkiyä Däwlät başlığı AİGK sammitınıñ Türkiyäneñ Rusiyä belän qabat dialogqa kerüe öçen
platforma bula alaçağın belderä.
Räcäp Tayyip Ärdoğan, Türkiyä İlbaşı:
"İlbaşı Putin aldıbızdağı könnärdä ike yaqlı mönäsäbätlärebez belän bäyle bularaq täfsille söyläşü ütkärüebezneñ yaxşı bulaçağın belderde. Min dä ägär İlbaşı Putinnıñ sammitta qatnaşu forsatı bulsa anda häm ike yaqlı mönäsäbätlärebezne häm dä Rusiyä-Ukraina suğışın täfsille itep bäxäsläşü öçen küreşä alaçağıbıznı äyttem."
Melinda Nucifora, Astana, Qazaqstan:
"AİGK liderlar sammitı dürt yılda ber tapqır ütkärelä. Bu cıyılışnıñ möhim başqa ber maqsatı da AİGKne konferenśiya däräcäsennän
xalıqara oyışma däräcäsenä kütärü".
Yaşar Sarı, Abant İzzät Baysal universitetı:
"Bu räweşle qorılışnıñ tulı qolaçlı xalıqara oyışmağa äylänüe belän BMO belän bergä böten xalıqara oyışmalar AİGKne äğ'zalären wäkillek itkän xalıqara oyışma bularaq qabul itäçäk."
Xäzerge geopolitik kiyırenkeleklär däwam itkän çaqta dönya säxnäsendä yañğırayaçaq urtaq tawış, bälki dä, härwaqıttağısınnan tağın da kübräk möhim bulaçaq.
Melinda Nucifora, TRT World, Astana, Qazaqstan
